Այսօր՝ հոկտեմբերի 12-ին, Ինգուշեթիայի Կարաբուլակե քաղաքում, ինչպես նաև Նազրանովսկի շրջանում տարածվել էր հնարավոր ահաբեկչության կազմակերպման մասին, ինչի պատճառով վերոնշյալ շրջաններում հակաահաբեկչական գործողության ռեժիմ էր հայտարարվել։ Ուժայինների ձեռնարկած հատուկ գործողության ժամանակ սպանվել է 3 զինյալ։ Այս մասին հայտնում է «Կովկասյան հանգույց» լրատվակայքը՝ հղում անելով ազգային հակաահաբեկչական հանձնաժողովին։
Զինյալների ապաստարանը։ Նկարը՝ ՌԴ ազգային հակաահաբեկչական հանձնաժողովի
Ինչպես նշում է լրատվամիջոցը, ուժայինները շրջափակել են մի քանի տուն, որտեղ թաքնված են եղել զինյալները։ Տևական փոխհրաձգությունից հետո ուժայինները հայտնել են, որ սպանվել է 3 զինյալ, ևս 4-ը ձերբակալվել են։ Նշվում է, որ սպանվածները «նազրանովսկի» զինված խմբավորման անդամներ են եղել։
Ռուսաստանյան «ՌԻԱ Նովոստի» լրատվական գործակալությունն էլ հայտնում է, որ ուժայինների և քաղաքացիական անձանց շրջանում տուժածներ չկան։
Ռուսաստանյան « ՏԱՍՍ» լրատվական գործակալությունը հաղորդել է սպանված 2 զինյալների անձնական տվյալները։ Սպանվել են 25-ամյա Ասլան Դիսնոևը և 28-ամյա Մագոմեդ Պլիևը։ Վերջիններս մեղադրվում էին անցած տարի սպանված իրավապահներից մեկի սպանությանն գործին առնչվելու համար։ ՏԱՍՍ-ը գրում է նաև, որ հատուկ գործողության վայրում հայտնաբերվել է զինյալների թաքստոց, որտեղ եղել է մի քանի միավոր զենք, զինամթերք, ինչպես նաև սնունդ և դեղորայք։
Զինյալների թողած իրերը։ Նկարը՝ ՌԴ ազգային հակաահաբեկչական հանձնաժողովի
Ինգուշեթիայի Կարաբուլակե քաղաքում, ինչպես նաև Նազրանովսկի շրջանում օպերատիվ գործողությունից հետո հակաահաբեկչական գործողության ռեժիմը հանվել է։
Pingback: Ինգուշեթիայում հատուկ գործողության ժամանակ սպանվել է 2 զինյալ | Ռազմ.info