Թալիբները հարձակում են գործել ՆԱՏՕ-ի ռազմական շարասյան վրա

Աֆղանստանի Բադգիս նահանգում ծայրահեղական «Թալիբան» շարժման զինյալները ուրբաթ նռնականետերից կրակել են ՆԱՏՕ-ի ռազմական շարասյան վրա: Հարձակման հետեւանքով իտալացի երեք զինծառայող է վիրավորվել: Այդ մասին հաղորդում է Անվտանգության աջակցման միջազգային ուժերի մամլո ծառայությունը:
Իտալացի զինվորականների թիվը Աֆղանստանում 3,8 հազար է: Նրանց զորամիավորումները տեղակայված են Հերատում, Բադգիսում, Քաբուլում:
Աֆղանստանի Պաժվակ լրատվական գործակալության տվյալներով՝ Աֆղանստանում ռազմական գործողությունների իրականացման ժամանակ իտալացի 47 զինվորական է սպանվել:
Նախորդ տարվա սկզբից մինչ օրս Աֆղանստանում Անվտանգության աջակցման միջազգային ուժերի 272 զինծառայող է զոհվել, որոնցից 210-ը՝ ԱՄՆ-ի բանակի զինվորականներ: