Ադրբեջանցու նամակը չի փոխանցվել ծնողներին

2012 թվականի հուլիսի 26-ին հայ-ադրբեջանական սահմանի հյուսիսարևելյան հատվածում հայ դիրքապահներին հանձնված ադրբեջանցի զինծառայող Ֆիրուզ Միրզաօղլու Ֆարաջևի ծնողները հայտնել են, որ իրենց կանչել են Կարմիր խաչի՝ Բաքվի գրասենյակ և տեղեկացրել, որ իրենց որդին օգոստոսի 31-ին Կարմիր խաչի միջազգային կոմիտեի երևանյան գրասենյակի աշխատակիցների հետ հանդիպման ժամանակ ծնողներին նամակ է ուղարկել: Սակայն, Ֆարաջեւի ծնողների փոխանցմամբ, ադրբեջանական գրաքննությունն արգելել է նամակն իրենց փոխանցել:
Նշենք նաեւ, որ ըստ Zerkalo-ի` Ֆարաջեւի դեմ քրեական գործ է հարուցվել Ադրբեջանի քրեական օրենսգրքի 274, 334.3 և 338.1 հոդվածներով: Հայ դիրքապահներին հանձնված ադրբեջանցի զինծառայողը մեղադրվում է պետական դավաճանության, պետական գաղտնիքի բացահայտման, լրտեսության, դասալքության համար: