Թուրքիայի ԶՈւ թվաքանակը շարունակում է նվազել

Թուրքիայի ԶՈւ գլխավոր շտաբը հրապարակել է 2015-ի սեպտեմբերի 1-ի դրությամբ անձնակազմի թվաքանակի պաշտոնական տվյալները, ըստ որոնց՝ անձնակազմը շուրջ 628141 մարդ է, ինչը սեպտեմբերի ցուցանիշներից պակաս է 9680-ով (եղել է 637821), հուլիսի ցուցանիշներից՝ 16997-ով (եղել է 645138), իսկ հունիսի տվյալներից՝ 28546-ով (եղել է 656687)։ Այս մասին սեպտեմբերի 1-ին հայտնել է Թուրքիայի ԶՈւ ԳՇ կայքը։

Թուրքիայի ԶՈւ զինծառայողներ

Թուրքիայի ԶՈւ զինծառայողներ

Ըստ Թուրքիայի ԶՈւ գլխավոր շտաբի տվյալների՝ թուրքական զինուժում գեներալների և ծովակալների թիվը 358 է, որից 325-ը՝ ցամաքային, ռազմաօդային և ռազմածովային ուժերում, 32-ը՝ ժանդարմերիայում, 1-ը՝ առափնյա անվտանգության ուժերում։ Համեմատած սեպտեմբեր ամսվա տվյալներին՝ ցամաքային, ռազմաօդային և ռազմածովային ուժերում գեներալների թիվը նվազել  է 1-ով։

Սպաների ընդհանուր թիվը 39849 է, որից 32627-ը՝ ցամաքային, ռազմաօդային և ռազմածովային ուժերում, 6559-ը՝ ժանդարմերիայում, 663-ը՝ առափնյա անվտանգության ուժերում։ Սպաների ընդհանուր թվաքանակը նախորդ ամսվա համեմատ նվազել է 609-ով։

Ենթասպաների (կրտսեր հրամանատարական կազմ) ընդհանուր կազմը 98285 է, որից 70824-ը՝ ցամաքային, ռազմաօդային և ռազմածովային ուժերում, 25874-ը՝ ժանդարմերիայում, 1587-ը՝ առափնյա անվտանգության ուժերում։ Ենթասպաների ընդհանուր թվաքանակը սեպտեմբերի ցուցանիշների համեմատ նվազել է 547-ով։

Պայմանագրային ժանդարմների ընդհանուր քանակը 22394 է, պայմանագրային եֆրեյտորների և շարքայինների թիվը՝ 5978, որից 38-ը ծառայում է առափնյա անվտանգության ուժերում, իսկ 5940-ը՝ ցամաքային զորքերում։

Հատուկ պայմանագրային եֆրեյտորների ընդհանուր քանակը 70176 է, որից 47006-ը ծառայում է ցամաքային, ռազմաօդային և ռազմածովային ուժերում,  22497-ը՝ ժանդարմերիայում, 673-ը՝ առափնյա անվտանգության ուժերում։ Սեպտեմբերի համեմատ՝ հատուկ պայմանագրային եֆրեյտորների թվաքանակն ավելացել է 2714-ով։

Պարտադիր զինծառայություն անցնողների ընդհանուր թիվը 339024 է, որից 245494-ը ծառայում է ցամաքային, ռազմաօդային և ռազմածովային ուժերում, 91896-ը՝ ժանդարմերիայում, 1634-ը՝ առափնյա անվտանգության ուժերում։ Սեպտեմբերի հրապարակված ցուցանիշների համեմատությամբ՝ պարտադիր զինծառայություն անցնողների թվաքանակն ընդհանուր նվազել է 11050-ով, իսկ համեմատած հուլիսի տվյալներին՝ 24428-ով։

Քաղաքացիական ծառայողների և աշխատողների քանակը 52077 է, որից 47686-ը ծառայում է ցամաքային, ռազմաօդային և ռազմածովային ուժերում, 3473-ը՝ ժանդարմերիայում, 918-ը՝ առափնյա անվտանգության ուժերում։ Սեպտեմբերի համեմատ՝ ցուցանիշը նվազել է 105-ով։

Այսպիսով, Թուրքիայի ԶՈւ-ի ընդհանուր թվաքանակը 628141 է, որից 449902-ը՝ ցամաքային, ռազմաօդային և ռազմածովային ուժերում, 172725-ը՝ ժանդարմերիայում, 5514-ը՝ առափնյա անվտանգության ուժերում։ Ցամաքային, ռազմաօդային և ռազմածովային ուժերում զինծառայողների թվաքանակը նվազել է շուրջ 12048-ով, իսկ ժանդարմերիայում՝ 2313-ով։

Պրոֆեսիոնալ զինծառայողներ են ընդհանուր զորքի 41 տոկոսը։ Ցամաքային, ռազմաօդային, ռազմածովային ուժերում պրոֆեսիոնալ հիմունքներով է ծառայում զինծառայողների 39 տոկոսը, ժանդարմերիայում՝ 46 տոկոսը, իսկ առափնյա անվտանգության ուժերում՝ 64 տոկոսը։

Ստորև ներկայացնում ենք Թուրքիայի ԶՈւ թվաքանակն աղյուսակով՝

Զինվորական կոչում Ցամաքային ուժեր, ՌԾՈւ, ՌՕՈւ Ժանդարմերիա Առափնյա անվտանգություն Ընդհանուր թվաքանակ
Գեներալ, ծովակալ 325 32 1 358
Սպաներ 32627 6559 663 39849
Ենթասպաներ 70824 25874 1587 98285
Ավագ պայմանագրային ժանդարմներ 22394 22394
Պայմանագրային սերժանտներ 47006 22497 673 70176
Պայմանագրային եֆրեյտորներ, շարքայիններ 5940 38 5978
Պայմանագրային անձնակազմ 156722 77356 2962 237040
Զորակոչված անձնակազմ 245494 91896 1634 339024
Քաղաքացիական կազմ 47686 3473 918 52077
Ընդհանուր թվաքանակ 449902 172725 5514 628141
Պայմանագրայինների թիվը՝ %-ով 39 46 64 41

One response to “Թուրքիայի ԶՈւ թվաքանակը շարունակում է նվազել

  1. Pingback: Ռազմաշաբաթ․ Թուրքիա․ 27 սեպտեմբերի — 3 հոկտեմբերի, 2015 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *