Բախումներ Թուրքիայում. թարմացվող լրահոս, սեպտեմբերի 30

17։29
Անադոլու․ Թուրքիայի հարավարևելյան Հաքքարի նահանգի Շեմդինլի գավառում PKK-ի զինյալները կամուրջ են պայթեցրել։

17։14
Դողան․ Թուրքիայի հարավարևելյան Հաթայ նահանգի Դյորթյոլ գավառում PKK-ի զինյալները հարձակվել են ավտոկայարանի վրա։

17։03
Անադոլու․ Թուրքիայի իշխող «Արդարություն և զարգացում կուսակցության» ղեկավարի տեղակալ Մևելութ Չավուշօղլուն, անդրդառնալով թուրք-քրդական բախումներին, հայտարարել է, որ ոչ մի ուժ չի կարող իրենց շեղել այն ճանապարհից, որին իրենք հավատում են։

PKK-ից են մեր ամենադաժան քուրդ հայրենակիցները։

15։17
Իհլաս․ Թուրքիայի Բիթլսի նահանգում՝ Բիթլիս-Հիզան ճանապարհին, անվտանգության ուժերի և PKK-ի զինյալների միջև բախման արդյունքում մեկ ուժային է վիրավորվել։

15։04
Թուրքիայի ԶՈւ ԳՇ կայք․ Թուքիայի հարավարևելյան Հաքքարի նահանգի Դաղլըջա և Յուքսեքովա գավառներում թուրքական օդուժի հատուկ գործողության արդյունքում ոչնչացվել է PKK-ի զինյալների 24 հենակետ։

14։57
Իհլաս․ Թուրքիայի հարավարևելյան Դիարբեքիր նահանգի Յենիշեհիր գավառում PKK-ի զինյալները պայթուցիկ սարք են տեղադրել տարրական դպրոցի շենքի լուսամուտագոգերից մեկին։ Պայթուցիկը վնասազերծելու նպատակով՝ ոստիկանությունը դպրոցից տարհանել է աշակերտներին և ուսուցչական անձնակազմին։

14։50
Դողան․ Թուրքիայի Բիթլիս նահանգում անվտանգության ուժերի հատուկ գործողության արդյունքում Բիթլիս-Հիզան ճանապարհին PKK-ի զինյալների տեղադրած 4 պայթուցիկ սարք է վնասազերծվել։

14։35
Դողան․ Թուրքիայի հարավարևելյան Հաքքարի նահանգի Յուքսեքովա գավառում անվտնագության ուժերի հատուկ գործողության ընթացքում սպանվել է PKK-ի մեկ զինյալ։ Նույն նահանգի մեկ այլ՝ Շեմդինլի գավառում, ուժայիններին է հանձնվել PKK-ի 2 զինյալ։

12։22
Իհլաս․ Թուրքիայի հարավարևելյան Հաքքարի նահանգի համանուն քաղաքի Գազի թաղամասում բախումներ են եղել բարիկադներ դնել ցանկացող ցուցարարների և ոստիկանների միջև։ Ցուցարարները պայթուցիկ նյութեր, քարեր և պայթուցիկ շշեր («Մոլոտովի կոկտեյլ») են նետել ոստիկանների վրա։ Զոհեր և վիրավորներ չկան։

12։16
Դողան․ Թուրքիայի հարավարևելյան Սիիրթ նահանգում ոստիկանությունը խուզարկել է «Ժողովրդական շրջաններ կուսակցության» (DBP) նահանգային կառույցի և «Մարդու իրավունքների ասոցիացիայի» (İHD) շենքերը։ Արդյունքում ձերբակալվել է 10 մարդ։

11։54

Իհլաս․ Թուրքիայի հարավարևելյան Դիարբեքիր նահանգի Բաղլար գավառում PKK-ի զինյալները ինքնաշեն պայթուցիկներ և պայթուցիկ շշեր («Մոլոտովի կոկտեյլներ») են նետել գավառի ոստիկանության շենքի վրա։ Արդյունքում շենքում հրդեհ է բռնկվել։ Զոհեր և վիրավորներ չկան, սակայն արտանետված թունավոր նյութերից թունավորվել և հոսպիտալացվել է 6 քաղաքացի։ PKK-ի զինյալներին հայտնաբերելու համար ձեռնարկվել են հատուկ գործողություններ, դեպքի վայր են ժամանել մեծ թվով ոստիկանական խմբեր։

11։30

Դողան․ Թուրքիայի հարավարևելյան Դիարբեքիր նահանգի Սիլվան գավառի Էսքի Բիթլիս ճանապարհին PKK-ի երիտասարդական թևի (YDG-H) անդամները խրամատներ են փորել և բարիկադներ դրել։ Այնուհետև կրակել են նրանց գործողություններին միջամտելու համար դեպքի վայր ժամանած ոստիկանների վրա։ Տևական փոխհրաձգությունից հետո YDG-H-ի անդամները փախել են։ Զոհեր և վիրավորներ չկան։

11։11
Իհլաս․ Թուրքիայի հարավարևելյան Հաքքարի նահանգում PKK-ի զինյալ է հանձնվել նահանգի ժանդարմերիայի հրամանատարությանը կից Ուզյումջյու գյուղի ժանդարմերիայի տեղամասի ղեկավարությանը։

11։00

Անադոլու․ Թուրքիայի հարավարևելյան Բաթման նահանգի Բաթման-Քոզլուք ճանապարհին ոստիկանական զրահամեքենայի անցման պահին պայթել է PKK-ի զինյալների տեղադրած պայթուցիկ սարքը։ Արդյունքում սպանվել է 1 ուժային, ևս 5-ը վիրավորվել են։ Մահացել է նաև 1 քաղացիական անձ, ևս 4 -ը վիրավոր են։ PKK-ի զինյալներին հայտնաբերելու համար ձեռնարկվել են հատուկ գործողություններ։

10:37
Թուրքիայի ԶՈւ ԳՇ կայք․ Թուրքիայի հարավարևելյան Հաքքարի նահանգի Յուքսեքովա-Շեմդինլի ճանապարհին՝ Թուհի կամուրջի վրա, զինվորական զրահամեքենայի անցնելու պահին պայթել է PKK-ի զինյալների տեղադրած ինքնաշեն պայթուցիկ սարքը։ Արդյունքում սպանվել է 2 ուժային, ևս 3-ը վիրավորվել են և հոսպիտալացվել։ PKK-ի զինյալներին հայտնաբերելու համար ձեռնարկվել են հատուկ գործողություններ, շրջան են ուղղարկվել հարվածային ուղղաթիռներ, ԱԹՍ-ներ։