Արցախի Մարտունիում ավարտվում է բնակելի նոր թաղամասի կառուցումը, որ 93 բնակարանների մի մասը կտրամադրվի ՊԲ զինծառայողների ընտանիքներին, մյուս մասը՝ կտրամադրվի հիփոթեքային վարկավորմամբ: Նոր թաղամասի կառուցման աշխատանքները իրականացվում են բարեգործական հիմունքներով: Այս մասին հայտնում է Արցախի քաղաքաշինության նախարարության կայքը:
Արցախի Մարտունիում կառուցվող նոր շենքը, որից բնակարաններ են հատկացվելու զինծառայողներին
Նախորդ տարվա փետրվարից մեկնարկած բնակելի թաղամասի շինաշխատանքներն նախատեսվում է ավարտել մինչև տարեվերջ: Ներկայում տարվում են ներքին ու արտաքին հարդարման աշխատանքները: Նախագծի համաձայն՝ թաղամասը կունենա կենտրոնացված ջեռուցում և խաղահրապարակ:
Նշենք, որ այս տարվա սկզբից հայկական զինված ուժերի զինծառայողներին բնակարաններ են տրամադրվել նաև ՀՀ ՊՆ ՀՕՊ զորամասերից մեկի և 5-րդ ԲԿ զորամասերից մեկի զինծառայողներին, ինչպես նաև Ագարակում ծառայող ՀՀ ԶՈւ զինծառայողներին: Ընդհանուր առմամբ՝ 2015թ. ամբողջ ընթացքում ՀՀ ՊՆ-ն նախատեսում է զինծառայողների տրամադրել 130 բնակարան:
Pingback: Ստեփանակերտում ՊԲ սպաների համար նախատեսված բնակելի թաղամաս է կառուցվում | Ռազմ.info
Pingback: ՊԲ սպաներին բնակարաններ են հատկացվել Մատաղիսում | Ռազմ.info