Թուրքիան ուժեր է կուտակում Սիրիայի հետ սահմանին

Թուրքական «Հյուրիեթ» թերթի տեղեկություններով՝ այսօր առավոտյան Գազիանթեփում գտնվող թուրքական բանակի 5-րդ զրահատանկային բրիգադից ռազմական մի շարասյուն է դուրս եկել և ճանապարհային ոստիկանության ուղեկցությամբ Քիլիս նահանգի տարածքով շարժվել դեպի Սիրիայի հետ սահման։
Ըստ «Հյուրիեթի»՝ շարասյան մեջ եղել են 5 տանկ, զրահամեքենաներ, հրթիռային համակարգեր, ինչպես նաև հետևակ տեղափոխող մեքենաներ։

Զորախումբը տեղակայվել է սիրիական ապստամբների կողմից գրավված Էսելեմե անցակետի առջև գտնվող թուրքական Օնջուփընար անցակետի մոտակայքում, որտեղ նախօրեին տեղակայվել էին նաև «Stinger» դյուրակիր զենիթահրթիռային համակարգերի մարտկոցներ։