Այսօր՝ սեպտեմբերի 1-ին, ադրբեջանական լրատվամիջոցները լուրեր էին տարածել, ըստ որի՝ «հայ դիրքապահները կրակել են Ադրբեջանի Տերտերի շրջանի Գափանլը գյուղում անցկացվող հարսանիքի ուղղությամբ, ինչի հետևանքով 3 մարդ է վիրավորվել»։
Համաձայն ադրբեջանական լրատվամիջոցների՝ վիրավորվել են Մուշքյունազ Ալիևան, Մեդինա Թանրիվերդիևան և Զախրա Ալիզադեն։ Նշվում է, որ վերջիններս հոսպիտալացվել են։
Ռազմինֆոյի հետ զրույցում Պաշտպանության բանակի մամուլի քարտուղար Սենոր Հասրաթյանը հերքել է հակառակորդի տարածած լուրը, նշելով. «Հայ դիրքապահները երբեք չեն կրակում հակառակորդի խաղաղ բնակչության ուղղությամբ։ Ավելին՝ մեր զինծառայողները միայն անհրաժեշտության դեպքում են պատասխանում ադրբեջանական կողմի կրակոցներին»։
Pingback: Ռազմաշաբաթ․ Հայաստան․ 30 օգոստոսի – 5 սեպտեմբերի, 2015 | Ռազմ.info