Օգոստոսի 25-ին ՊՆ ռազմական ոստիկանությունում բացվել է ժամանակակից տեխնիկայով և ծրագրային ապահովվածությամբ օժտված համակարգչային նոր դասասենյակ։ Բացմանը ներկա են եղել պաշտպանության նախարար Սեյրան Օհանյանը, նրա տեղակալ Արա Նազարյանն ու ռազմական ոստիկանության պետ, գնդապետ Սամվել Ղուկասյանը։ Ինչպես հայտնում է ՀՀ ՊՆ մամուլի ծառայությունը, դասասենյակը բացվել է ԵԱՀԿ երևանյան գրասենյակի աջակցությամբ։
ԵԱՀԿ երևանյան գրասենյակի ռազմաքաղաքական ծրագրերի ղեկավար Լիլիան Շալառուի խոսքով՝ տեխնիկապես հագեցած համակարգչային նոր դասասենյակը ՌՈ սպաների համար նաև ինքնազարգացման ու ինքնակրթման լայն հնարավորություն է ընձեռելու՝ ամրապնդելով նրանց մասնագիտական գիտելիքները: Նա նշել է, որ առաջիկայում ՌՈ տարածքային ստորաբաժանումներում ևս բացվելու են նմանօրինակ համակարգչային դասասենյակներ:
ՀՀ պաշտպանության նախարար Սեյրան ՕՀանյանը, իր հերթին, շնորհակալություն հայտնելով աջակցության համար՝ բարձր է գնահատել ՊՆ և ԵԱՀԿ երևանյան գրասենյակի միջև առկա համագործակցության արդյունավետությունը և հույս հայտնել, որ այն կլինի շարունակական։
Pingback: Ռազմաշաբաթ․ Հայաստան․ 23-29 օգոստոսի, 2015 | Ռազմ.info