Արծրուն Հովհաննիսյանը անդրադարձել է ՀՔԱ Վանաձորի գրասենյակի տարածած անանուն նամակին

Երեկ ՀՀ ՊՆ մամուլի քարտուղար Արծրուն Հովհաննիսյանը, անդրադառնալով օրեր առաջ ՀՔԱ Վանաձորի գրասենյակի ղեկավար Արթուր Սաքունցի տարածած անստորագիր նամակին՝ ասել է, որ անանուն նամակներն ու անպատասխան արտահայտությունները ոմանց համար դարձել են հիմնական գործելաոճ:
«Կարծես վերադարձել են ստալինա-բերիական ժամանակները, երբ մարդկանց զրպարտելով կարելի էր կործանել»:
Մամուլի քարտուղարի խոսքով՝ ՀՀ ՊՆ համար չկան այս կամ այն անձանց որդիներ հասկացողություն, կան զինծառայողներ, որոնք իրենց պարտականությունը կատարում են վատ կամ բարեխղճորեն: Անանուն նամակում նշված զինծառայողը իր կյանքի զգալի մասը անցկացրել է մարտական դիրքերում»: