Օգոստոսի 15-ին ավարտվել է «Միջազգային բանակային խաղերի» ամենաերկարատև մրցույթը՝ Տանկային բիաթլոնը, ինչից հետո դատավորները ամփոփել են Ռուսաստանում առաջին անգամ անցկացված մրցումների արդյունքները: Խաղերի բոլոր 13 մրցաձևերում հաղթող են ճանաչվել Ռուսաստանի զինծառայողները:
Հնդկաստանի, Չինաստանի և Հայաստանի առաջին տանկային թիմերը մրցում են նույն մրցաշարային եռյակում՝ C խմբում
Այսպես, օգոստոսի 15-ին ավարտված «Տանկային բիաթլոն» մրցույթում առաջին տեղը զբաղեցրել է Ռուսաստանը, երկրորդը՝ Չինաստանը, երրորդը՝ Սերբիան: (Հայաստանը չէր կարողացել անցնել եզրափակիչ):
Մյուս 12 մրցույթների մրցանակային հորիզոնականները բաշխվել են այսպես.
| Ավիադարտս (ՌՕՈւ) — 4 պետություն | ||
| 1. Ռուսաստան | 2. Ղազախստան | 3. Չինաստան |
| Կասպյան գավաթ (ՌԾՈւ) — 3 պետություն | ||
| 1. Ռուսաստան | 2. Ղազախստան | 3. Ադրբեջան |
| Ավտոզրահատանկային վարպետներ — 3 պետություն | ||
| 1. Ռուսաստան | 2. Չինաստան | 3. Բելառուս |
| Բաց գետանցում (Ինժեներական) — 3 պետություն | ||
| 1. Ռուսաստան | 2. Չինաստան | 3. Բելառուս |
| Հակաօդային մարտի վարպետներ — 6 պետություն | ||
| 1. Ռուսաստան | 2. Բելառուս | 3. Եգիպտոս |
| Կասպյան դերբի (Ծովային հետևակ) — 3 պետություն | ||
| 1. Ռուսաստան | 2. Չինաստան | 3. Ղազախստան |
| Հրետանային վարպետներ — 5 պետություն | ||
| 1. Ռուսաստան | 2. Չինաստան | 3. Բելառուս |
| Զորային հետախուզության վարպետներ — 3 պետություն | ||
| 1. Ռուսաստան | 2. Չինաստան | 3. Բելառուս |
| Դեսանտային դասակ — 3 պետություն | ||
| 1. Ռուսաստան | 2. Չինաստան | 3. Բելառուս |
| Սուվորովյան գրոհ (ՀՄՄ) — 3 պետություն | ||
| 1. Ռուսաստան | 2. Չինաստան | 3. Վենեսուելա |
| Անվտանգ միջավայր (ՌՔԿ վարակի չեզոքացում) — 3 պետություն | ||
| 1. Ռուսաստան | 2. Չինաստան | 3. Բելառուս |
| Անվտանգ երթուղի (Ինժեներական) — 4 պետություն | ||
| 1. Ռուսաստան | 2. Չինաստան | 3. Բելառուս |
Մրցույթի ավարտից հետո եղել է հանդիսավոր արարողություն, որի ժամանակ պարգևատրվել են մրցանակային տեղեր զբաղեցրած թիմերը: Միաժամանակ արարողության մասնակցող ՌԴ ԶՈւ ցամաքային զորքերի հրամանատար, գեներալ-գնդապետ Օլեգ Սալյուկովը արտասահմանյան թիմերին հրավիրել է մասնակցել նաև հաջորդ տարվա «Միջազգային բանակային խաղերին»:
Նշվել է նաև, որ Չինաստանը մտադիր է իր տարածքում «Ավիադարտս» մրցույթի անցկացման համար ստեղծել համապատասխան ենթակառուցվածք: Չինաստանում մրցույթի անցկացման հնարավորություն կլինի մոտավոր 2-3 տարի անց: Իսկ մրցույթի անցկացման աշխարհագրությունը լայնացնելու մասին մտադրություն ռուսաստանյան կողմը հայտնել էր դեռևս խաղերի անցկացման ընթացքում: Կազմակերպիչները հայտարարել են, որ հետագայում նպատակ ունեն ռազմածովային մրցույթներն անցկացնել նաև Խաղաղ ու Հյուսիսային սառուցյալ օվկիանոսներում, Սև և Բալթիկ ծովերում։
Խաղերին մասնակցել է 17 պետություն, այդ թվում նաև Ադրբեջանը (միայն Կասպյան գավաթին) և Հայաստանը (միայն Տանկային բիաթլոնին), ինչպես նաև 6 դիտորդ պետություն՝ Իրանը, Վիետնամը, Կորեայի հանրապետությունը, Մյանման, Թուրքմենստանը և Բրազիլիան։
Այս տարբերակով «Միջազգային բանակային խաղերն» անցկացվել են առաջին անգամ, մինչ այս մրցույթները՝ Տանկային բիաթլոնը և Ավիադարտսը, անցկացվում էին առանձին-առանձին:
Pingback: Ռուսաստանը, Բելառուսը և Սերբիան համատեղ զորավարժություն կանցկացնեն | Ռազմ.info