Օգոստոսի 6-ին Ռուսաստանի Դաշնության սուբյեկտ Կաբարդինո- Բալակարիայի մայրաքաղաք Նալչիկի շրջաններից մեկում ոստիկանության աշխատակիցները փոխհրաձգության ժամանակ սպանել են զինված խմբավորման անդամի։ Այս մասին հայտնում է ռուսաստանյան «Կովկասյան հանգույց» լրատվական կայքը։
ՌԴ ուժայիններ
Ըստ լրատվամիջոցի՝ զինյալը ոստիկանների մոտ կասկած է հարուցել, ու երբ իրավապահները փորձել են մոտենալ նրան, վերջինս ինքնաձիգից սկսել է կրակել ոստիկանների ուղղությամբ։
Նշվում է, որ ոստիկանների թվում վիրավորներ կամ զոհեր չկան։ Սպանված զինյալի անձնական տվյալները ճշտվում են։
Նշենք, որ օգոստոսի 4-ին Կաբարդինո-Բալկարիայի ՆԳՆ-ն հաղորդագրություն է տարածել՝ նշելով, որ տեղական և միջազգային հետախուզման մեջ է 34 մարդ։ Վերջիններիս կասկածում են զինծառայողների, ուժային կառույցների ներկայացուցիչների սպանության համար։ Օգոստոսի 6-ին ՆԳն-ն տեղեկացրել է, որ միջազգային հետախուզման մեջ է 18 մարդ, իսկ դաշնային՝ 16։
Հիշեցնենք, որ օգոստոսի 3-ին Կաբարդինո- Բալկարիայում Ռուսաստանի անվտանգության դաշնային ծառայության աշխատակիցները ոչնչացրել են 6 զինյալի, որոնց կասկածում էին միջազգային ահաբեկչական կազմակերպության հարելու համար։
Հայտնի է, որ սպանված զինյալները կապ են ունեցել հուլիսի 31-ին Կաբարդինա-Բալկարիայի ներքին գործերի նախարարության Չերեկսկի շրջանի շտաբի պետի սպանության հետ։