Տանկային բիաթլոն. Հայաստանն առաջին փուլն ավարտել է 5-րդ տեղով

Օգոստոսի 6-ին՝ Տանկային բիաթլոնի առաջին փուլում՝ անհատական մրցույթում, երեք անձնակազմերի արդյունքների հանրագումարով Հայաստանը գրավել է 5-րդ տեղը և դուրս է եկել կիսաեզրափակիչ, որտեղ մրցելու է առաջին տեղերը գրաված ևս 7 երկրների հետ:

Տանկային բիաթլոն 2015 մրցույթին մասնակցող ՀՀ ԶՈւ 1-ին տանկային անձնակազմի տանկը մրցման ժամանակ

Բոլոր ելույթների ավարտից հետո ամփոփվել են բոլոր անձնակազմերի արդյունքները անձնակազմերին տրվել են համապատասխան միավորներ: Երկրների երեքական անձնակազմերի միավորները գումարվել են, ինչով կազմվել է երկրների մրցաշարային աղյուսակը:

Հայաստանից ավելի հաջող են հանդես եկել և 1-4-րդ տեղերը զբաղեցրել են Ռուսաստանը, Ղազախստանը, Չինաստանը և Հնդկաստանը:

Այդպիսով եզրափակիչ են անցել Ռուսաստանը, Ղազախստանը, Չինաստանը, Հնդկաստանը, Հայաստանը, Սերբիան, Ղրղզստանը և Տաջիկստանը: Իսկ առաջին փուլից հետո երկրների մրցաշարային աղյուսակն ունի հետևյալ տեսքը.

Տանկային բիաթլոնի անհատական մրցույթի մրցաշարային աղյուսակը
Տեղը	Երկիր	Անձնակազմ	Բալեր
			Անձնակազմ	Երկիր
1․	Ռուսաստան	առաջին	36	109
		երկրորդ	39
		երրորդ	34
2․	Ղազախստան	առաջին	38	100
		երկրորդ	27
		երրորդ	35
3․	Չինաստան	առաջին	26	92
		երկրորդ	29
		երրորդ	37
4․	Հնդկաստան	առաջին	24	85
		երկրորդ	31
		երրորդ	30
5․	Հայաստան	առաջին	28	83
		երկրորդ	32
		երրորդ	23
6․	Սերբիա	առաջին	18	76
		երկրորդ	33
		երրորդ	25
7․	Ղրղզստան	առաջին	17	60
		երկրորդ	21
		երրորդ	22
8․	Տաջիկստան	առաջին	9	39
		երկրորդ	16
		երրորդ	14
9․	Քուվեյթ	առաջին	10	37
		երկրորդ	19
		երրորդ	8
10․	Մոնղոլիա	առաջին	2	34
		երկրորդ	20
		երրորդ	12
11․	Վենեսուելա	առաջին	4	30
		երկրորդ	11
		երրորդ	15
12․	Անգոլա	առաջին	1	20
		երկրորդ	13
		երրորդ	6
13․	Նիկարագուա	առաջին	5	15
		երկրորդ	7
		երրորդ	3

Անհատական մրցույթի՝ անձնակազմերի հաշվարկում, ինչպես արդեն նշել ենք, Հայաստանի անձնակազմերը գրավել են 8-րդ, 12-րդ և 17-րդ տեղերը: Իսկ աղյուսակը գլխավորել են Ռուսաստանի երկրորդ, Ղազախստանի առաջին և Չինաստանի երրորդ տանկային անձնակազմերը:

Ավելացնենք, որ Տանկային բիաթլոնի առաջին փուլի՝ անհատական մրցույթի ավարտից հետո՝ օգոստոսի 13-ին, ուժեղագույն 8 երկրների միջև կանցկացվեն էստաֆետային (փոխանցումավազք) մրցումները, որոնց ներգրավված կլինեն երկրների 3-ական թիմեր: Մրցույթի արդյունքում կընտրվեն եզրափակիչ անցած 4 երկրները, իսկ եզրափակիչն էլ կանցկացվի օգոստոսի 15-ին:

Ավելացնենք, որ Տանկային բիաթլոնն այս տարի ընդգրկված է առաջին անգամ անցկացվող «Միջազգային բանակային խաղեր» մրցաշարի մեջ: Բիաթլոնին մասնակցում է 13 երկիր, որոնց թվում և Հայաստանը:

Տանկային բիաթլոնի մասին ավելի մանրամասն կարող եք կարդալ «Այն ամենը, ինչ պետք է իմանալ տանկային բիաթլոնի մասին» հոդվածում:

Տանկային բիաթլոն. Հայաստանն առաջին փուլն ավարտել է 5-րդ տեղով

2 responses to “Տանկային բիաթլոն. Հայաստանն առաջին փուլն ավարտել է 5-րդ տեղով”

Մեկնաբանել Չեղարկել պատասխանը

Լրահոս

Պահոց

Օրացույց

Հղումներ