Վրաստանում դասակի հրամանատարների համար անցկացվում են դաշտային վարժանքներ (ֆոտո)

Վրաստանում Դավիթ Աղմաշենեբելիի անվան ազգային պաշտպանական ակադեմիայի կրտսեր սպաների պատրաստման դպրոցում Կոջարիում 6-օրյա դաշտային վարժանքներ են սկսվել։ Պարապմունքներն անցկացվում են հետևակի սպաներ պատրաստելու դասընթացի շրջանակներում։Այս մասին օգոստոսի 4-ին հայտնում է Վրաստանի պաշտպանության նախարարության մամուլի ծառայությունը։

Վրաստանում կրտսեր սպաների դաշտային պարապմունքը

Ինչպես նշված է հաղորդագրության մեջ, 33 կուրսանտ աէրոմոբիլային պատրաստություն է անցնում։ Դասակների ապագա հրամանատարները վարժանքների ընթացքում դեսանտավորում են արել ամերիկյան բազմանպատակային «Իրոկեզ UH1» ուղղաթիռից, «վիրավորների» տարհանում և այլ առաջադրանքներ։

Նշվում է նաև, որ մասնակիցները կանցկացնեն նաև մարտավարական, ինժեներական և քարտեզագրության վարժանքներ։ Մասնակիցների պատրաստությունը ստուգվելու է ակադեմիայի՝ մարտական պատրաստության պլանավորման և գնահատման մասնագետների կողմից։ Տեղեկացնենք, որ կրտսեր սպաների պատրաստության դասընթացը մեկնարկել է այս տարվա փոտրվարի 2-ին և կավարտվի օգոստոսի 20-ին։

Վարժանքներին ներգրավված էր ամերիկյան UH-1Н «Իրոկեզ» բազմանպատակային ուղղաթիռ

Դաշտային վարժանքների ժամանակ մասնակիցները դեսանտավորում են արել

Վրաստանում դասակի ապագա հրամանատարների վարժանքներ

Վրաստանցի զինծառայողը