Շոյգուն հանձնարարել է պարզել ռազմաօդային ուժերում հաճախակի դարձած վթարների պատճառները

ՌԴ պաշտպանության նախարար, բանակի գեներալ Սերգեյ Շոյգուն հանձնարարել է պարզել ՌԴ ԶՈւ ավիացիայում գրանցված վթարների պատճառներն ու միջոցներ ձեռնարկել դրանք վերացնելու ուղղությամբ։Այս մասին հայտնում է ռուսաստանյան «ՏԱՍՍ» լրատվական գործակալությունը։

ՌԴ ՌՕՈւ Սու-34 ճակատային ռմբակոծիչ՝ վթարից հետո

«Ներկայում ռազմական ավիացիայի գլխավոր խնդիրներից է շարունակում մնալ վթարայնությունը», — հուլիսի 24-ին ՌԴ ՊՆ-ում կայացած խորհրդակցության ժամանակ նշել է Շոյգուն։ Վերջինիս խոսքներով՝ վթարայնության բարձր ցուցանիշների պատճառով զոհվում են մարդիկ և զգալի նյութական վնաս է հասնում պետությանը, ինչի արդյունքում ընկնում է ավիացիոն ստորաբաժանումների մարտական պատրաստության ու արդյունավետության մակարդակը։

Նշենք, որ միայն այս ամառ ՌԴ ՌՕՈւ-ում գրանցվել է 6 ավիավթար։ Ստորև ներկայացնում ենք դրանց ժամանակագրությունը։

Հուլիսի 4 – միաժամանակ 2 վթար է եղել. Աշուլուկ շրջանում ընկել ՄիԳ-29 կործանիչ, իսկ Վորոնեժում վայրէջքի ժամանակ շրջվել է Սու-34 ռմբակոծիչ։

Հունիսի 8 – Ամուրսկի շրջանում շարժիչի վառվելու հետևանքով վթարվելու Տու-95ՄՍ ռազմավարական ռմբակոծիչ, ինչի հետևանքով վիրավորվել են անձնակազմի մի քանի անդամ։

Հուլիսի 3 – Կրասնոդարի մոտ ընկել է ՄիԳ-29 կործանիչ։

Հուլիսի 6 – Խաբարովսկի երկրամասում վթարվել է Սու-24 ճակատային ռմբակոծիչ, ինչի հետևանքով զոհվել են ինքնաթիռի 2 օդաչուները։

Հուլիսի 14 – Խաբարովսկում ուսումնավարժական թռիչքի ժամանակ վթարվել է ևս մեկ Տու-95ՄՍ ռազմավարական ռմբակոծիչ։ Զոհվել են 2 օդաչուները։

Հուլիսի 17 – Չելյաբինսկի շրջանում վթարվել է Ան-12 բեռնատար ինքնաթիռ։