Բելառուսական 140-րդ վերանորոգման գործարանը խորհրդային ԲՌԴՄ-2 հետախուզական պարեկային զրահամեքենայի հիման վրա ստեղծել է նոր զրահամեքենա, որը ստացել է «Կայման» (Кайман) անվանումը։ Այս մասին հայտնում է Բելառուսի ՊՆ պաշտոնաթերթը՝ «Բելառուսական ռազմական թերթը»։
Բելառուսական «կայման» զրահամեքենան
Աղբյուրը նշում է, որ զրահամեքենայի ստեղծման համար գործարանի մասնագետներից պահանջվել է շուրջ 4 ամիս։ Առաջիկայում կմեկնարկի նաև «Կայմանի» փորձարկումների փուլը։ Զրահամեքենան նախատեսված է հետախուզադիվերսիան գորոծողությունների, պարեկության և շարասյունների ուղեկցման համար։
Ինչպես նշվեց, նոր զրահամեքենան ստեղծվել է խորհրդային ԲՌԴՄ-2-ի հիման վրա (Бронированная Разведывательно-Дозорная Машинa-БРДМ). Ձևափոխումների արդյունքում զրահամեքենան համալրվել է կողային երկու դռներով՝ անձնակազմի դեսանտավորումն ավելի հեշտացնելու նպատակով։ Կատարելագործվել է նաև նորաստեղծ մեքենայի ընթացային մասը. տեղադրվել է դիզելային շարժիչ, որն օժտված է վառելիքի մատակարարման էլեկտրոնային համակարգով, ուժեղացվել է հնգաստիճան փոխանցման մեխանիկական տուփը։
«Կայմանի» զանգվածը կազմում է շուրջ 7 տոննա, այն կարող է զարգացնել մինչև 110 կմ/ժ առավելագույն արագություն և վառելիքի մեկ լիցքավորումով անցնել շուրջ 1000 կմ տարածություն։ Մինչև 6 դեսանտայինի փոխադրման համար նախատեսված զրահամեքենայի սպառազինության համալրմանը տրվել է ունիվերսալ լուծում. նախկին աշտարակի փոխարեն այն համալրվել է մարտական մոդուլով, ինչը հնարավորություն է տալիս տեղադրել դրա վրա գնդացիր կամ նռնականետ՝ կախված առաջադրանքի առանձնահատկություններից։
Բելառուսական «կայման» զրահամեքենան
Բելառուսական «կայման» զրահամեքենան
Բելառուսական «կայման» զրահամեքենան