«Նախիջևանյան բանակի» ժամկետային զինծառայողը մահացել է արևային հարվածից

Ադրբեջանի զինված ուժերի զորամիավորում հանդիսացող՝ Նախիջևանի առանձին համազորային բանակում երեկ՝ հուլիսի 15-ին, մահացել է երկրի զինված ուժերի ժամկետային զինծառայող Իման Իմանովը (İman İmanov): Ադրբեջանական Musavat.com կայքը հայտնում է, թե մահվան պատճառը եղել է արևային հարվածը:

«Նախիջևանյան բանակի»՝ արևային հարվածից մահացած զինծառայող Իման Իմանով

Կայքը հայտնում է, որ զինծառայողը ծնվել է 1990 թվականին, ավարտել է Ստամբուլի տեխնիկական համալսարանը և 2014-ի հոկտեմբերից անցել զինծառայության Նախիջևանի առանձին հազազորային բանակում:

Ադրբեջանի պաշտոնական աղբյուրներն այս կորստի մասին որևէ տեղեկություն չեն հրապարակել:

Նշենք, որ 2015-ի հուլիսին սա Ադրբեջանի զինված ուժերում և պաշտպանական համակարգի այլ կառույցներում մահվան ելքով երկրորդ միջադեպն է, որի մասին հայտնի է դարձել։