Պատրաստվում ենք Չինաստանից հրետանի՞ գնել

Ադրբեջանական կայքերը հղում անելով չինական լրատվամիջոցներին հաղորդում են, որ Հայաստանը չինական NORINCO կորպորացիայի հետ բանակցություններ է վարում նոր հրետանային միջոցների և համազարկային կրակի ռեակտիվ կայանների ձեռք բերման շուրջ։ Թե հատկապես ինչ միջոցների մասին է խոսքը և ինչքան է գործարքի արժեքը, առայժմ հայտնի չէ, սակայն ադրբեջանական կայքերը նշում են, որ նույն կորպորացիան նախկինում արդեն Հայաստան էր մատարակարարել համազարկային կրակի ռեակտիվ WM-80 և AR1A կայաններ։

Նշենք, որ AR1A համազարկային կրակի կայաններ Հայաստանն առայժմ չի ցուցադրել։ Փոխարենը մի քանի անգամ ցուցադրվել են WM-80 կայանները։

WM-80 մարտավարա-տեխնիկական տվյալներ

• Տրամաչափ՝ 273մմ
• Հրթիռների քանակ՝ 8
• Հրթիռի մեկնարկային զանգվածը՝ 505կգ
• Հրթիռի մարտական մասի զանգվածը՝ 150կգ
• Կրակի հեռավորությունը՝ 34-80կմ
• Անձնակազմ՝ 5
• Վերալիցքավորման ժամանակը՝ 5-8ր
• Երթայինից մարտական վիճակի բերման ժամանակը՝ 3-5ր
• Ուղղորդիչների բարձրանալու անկյունը՝ 20-60 աստիճան
• Հորիզոնական կրակի անկյունը՝ +/-20 աստիճան մեքենայի առանցքի նկատմամբ
• Շրջանային հավանական շեղումը՝
  -հեռավորության 1 տոկոս չկառավարվող հրթիռների համար
  -մինչև 50մ կառավարվող հրթիռների համար

AR1A մարտավարա-տեխնիկական տվյալներ

• Տրամաչափ՝ 300մմ
• Հրթիռների քանակ՝ 10
• Հրթիռի մարտական մասի զանգվածը՝ 180-190կգ
• Կրակի հեռավորությունը՝ 20-130կմ
• Անձնակազմ՝ 4
• Վերալիցքավորման ժամանակը՝ 5-8ր
• Երթայինից մարտական վիճակի բերման ժամանակը՝ 5ր
• Շրջանային հավանական շեղումը՝ հեռավորության 0.1 տոկոս (չճշտված տվյալներով)