Հուլիսի 6-ին Թուրքիայի՝ Սիրիային սահմանակից Շանլըուրֆա նահանգի Աքչաքալե գավառում սահմանային պարեկություն իրականացնող մեքենայի վթարի հետևանքով զոհվել է մեկ զինծառայող՝ երկուսը վիրավորվել են։ Երեկ՝ հուլիսի 5-ին, նմանատիպ վթարում, սակայն արդեն Իրաքի սահմանին զոհվել էր մեկ այլ զինծառայող։ Այս մասին հայտնում է Թուրքիայի ԶՈւ ԳՇ կայքը։
Թուրքիայի ԶՈւ զինծառայողի հուղարկավորություն
Նշվում է, որ այսօր առավոտյան թուրք-սիրիական սահմանի երկայնքով սահմանային հսկողություն իրականացնող զինվորական մեքենայի վթարման հետևանքով մահացել է Թուրքիայի ԶՈւ 21-ամյա զինծառայող, շարքային Ֆայիք Յուջեն, երկու սերժանտ ստացել են վնասվածքներ։
Երեկ՝ հուլիսի 5-ին, վթարի էր ենթարկվել թուրք-իրաքյան սահմանին պարեկային շրջայց կատարող զինվորական մեքենան, ինչի արդյունքում մահացել էր Թուրքիայի ԶՈւ զինծառայող, շարքային Շահաբեթթին Աթաքը, վերջինիս հետ մեքենայում եղած երկու սերժանտ վիրավորվել է։