Հունիսի 25-ին Ալմաթայում հատուկ գործողության արդյուքում կանխվել է երկու ահաբեկչի՝ Սիրիայում կռվող «Իսլամական պետություն» ահաբեկչական խմբավորմանը միանալու մտադրությունը. ահաբեկիչներից մեկը սպանվել է, մյուսը՝ ձերբակալվել:Այս մասին հունիսի 30-ին հայտնում է ռուսաստանյան Sputnik news լրատվակայքի ղազախստանյան մասնաճյուղը՝ հղում անելով Ղազախստանի քրեական ոստիկանության՝ ծայրահեղականության դեմ պայքարի վարչության պետ Էրկին Կալիևի՝ հունիսի 30-ին արած հայտարարությանը:
Ղազախստանի ոստիկանական ծառայություն
Ավելի վաղ Ալմաթայի ոստիկանությունը հայտնել էր, որ խուլիգանական հարձակումների մեջ կասկածվող այդ երկու ահաբեկիչները ոստիկանների ձեռնարկված գործողության ժամանակ լուրջ դիմադրություն են ցույց տվել՝ հրազենային զենքով կրակելով ոստիկանների ուղղությամբ: Այդ փոխհրաձգության ժամանակ էլ նրանցից մեկը սպանվել էր:
Վարչության պետը նշել է, որ Ղազախստանը, ինչպես մյուս միջինասիական երկրները, լուրջ խնդիրների առաջ է կանգնել հակաահաբեկչական պայքարի ոլորտում 2011-2012-ին, երբ շուրջ 12-13 ահաբեկչական դեպք գրանցվեց ու իրավապահ մարմինների 19 ծառայող զոհվեց, իսկ 16-ը վիրավորվեց: Այդ ընթացքում ոչնչացվեց նաև 67 ահաբեկիչ, իսկ ահաբեկչական խմբավորումների 199 անդամ ենթարկվեց քրեական պատասխանատվության:
Հիշեցնենք, որ այս տարի սեպտեմբերի 7-25-ը Ղազախստանում և Ռուսաստանում կանցկացվի ԱՊՀ անդամ երկրների զինված ուժերի համատեղ զորավարժությունը, որը , միտված է անդամ պետությունների ավիացիոն և հակաօդային պաշտպանության ուժերի համատեղ գործելու հմտությունների բարելավմանը, ինչը կնպաստի տարածաշրջանային կոլեկտիվ անվտանգության ու ահաբեկչության դեմ համատեղ պայքարի խորացմանը և զարգացմանը։