Ադրբեջանի պաշտպանության նախարար, գեներալ-գնդապետ Զաքիր Հասանովն այցելել է զինված ուժերի՝ առաջնագծում տեղակայված մի շարք զորամասեր և դիրքեր, որտեղ ծանոթացել է մարտական հերթապահության իրականացման պայմաններին և ստորաբաժանումների մարտավարական պատրաստվածության աստիճանին։ Այս մասին այսօր՝ հուլիսի 1-ին, հայտնում է Ադրբեջանի ՊՆ մամուլի ծառայությունը։
Զաքիր Հասանովի այցն առաջնագիծ
Հաղորդագրությունում նշվում է, որ այցի ընթացքում Հասանովին ուղեկցել է նաև իր առաջին տեղակալ, ԶՈւ գլխավոր շտաբի պետ, գեներալ-գնդապետ Նաջմեդդին Սադիկովը։
Բանակի ղեկավարությունն առաջնագիծ կատարած այցի շրջանակներւոմ եղել է նաև հրաձգային զորավարժարանում, որտեղ հետևել է անձնակազմի մարտավարամասնագիտական պարապմունքներին, ինչից հետո մարտական մատրաստության, ինչպես նաև կարգապահության բարձրացման վերաբերյալ տվել մի շարք ցուցումներ։
Զորավարժարան