Հունիսի 23-ին Լոռու մարզում անցկացվել է «Քաղաքացիական պաշտպանության միջոցառումների կազմակերպումը ՀՀ Լոռու մարզի քաղաքացիական պաշտպանության համակարգը խաղաղից ռազմական դրության փոխադրման դեպքում» թեմայով շտաբային ուսումնավարժություն և «Տարահանման ժամանակավոր տեղակայման կետի ծավալումը» գործնական միջոցառում: Այս մասին տեղեկացնում է ՏԿԱԻՆկայքը:
Լոռու մարզում քաղպաշտպանության շտաբային զորավարժության շտաբը
Ուսումնավարժության ընթացքում քաղպաշտպանության ղեկավար կազմը ըստ իրավիճակի փոփոխությունների ստանում էր առաջադրանքներ, որոնց կատարման մասին պարբերաբար զեկուցվում էր Լոռու մարզպետին:
Վանաձորի թիվ 3 հիմնական դպրոցում, որտեղ ծավալվել էր տարահանված բնակչության ժամանակավոր տեղակայման կետ, անցկացվեց գործնական միջոցառում, շուրջ 70 տարահանվածներ հաշվառվեցին, տեղակայվեցին սպասասրահներում, մանկահասակ երեխաներին տեղավորեցին մոր և մանկան սենյակներում, իսկ տուժածներին ցուցաբերվեց առաջին բուժօգնություն:
Ուսումնավարժությանն ընդգրկված են եղել Լոռու մարզի քաղպաշտպանության ղեկավար կազմը` մարզպետ, քաղացիական պաշտպանության պետ Արթուր Նալբանդյանի գլխավորությամբ, տարահանման հանձնաժողովը, ՔՊ ծառայությունների պետերը, Վանաձոր և Վահագնաձոր համայնքների ՔՊ պետերը, ՀՀ ՏԿԱԻՆ ՓԾ Լոռու մարզային փրկարարական վարչությունը, ՀՀ ՏԿԱԻՆ ստորաբաժանումներ, ՀՀ ՊՆ 3-րդ ԲԿ և Վանաձորի զինկոմիսարիատի ներկայացուցիչներ, «Հարավ-Կովկասյան երկաթուղի ՀԿԵ» ՓԲԸ Վանաձորի գծային ուղեմասի ղեկավարը:
Ուսումնավարժության միջոցառումներին մասնակցում էր ՀՀ ՏԿԱԻ նախարարության աշխատանքային խումբը` ՏԿԱԻՆ ՓԾ քաղաքացիական պաշտպանության վարչության պետ, գնդապետ Մ.Ներսիսյանի գլխավորությամբ:
Ուսումնավարժության նպատակն էր ստուգել Լոռու մարզի քաղաքացիական պաշտպանության ու տարահանման պլանների իրատեսությունը և կատարելագործել մարզի քաղաքացիական պաշտպանության ղեկավար կազմի ունակությունները քաղաքացիական պաշտպանության միջոցառումների կազմակերպման վերաբերյալ որոշումների ընդունման ուղղությամբ:
Շտաբային ուսումնավարժության արդյունքներն ամփոփեցին Լոռու մարզպետ, մարզի քաղպաշտպանության պետ Արթուր Նալբանդյանը և ՀՀ ՏԿԱԻՆ փրկարար ծառայության քաղպաշտպանության վարչության պետ, գնդապետ Մ. Ներսիսյանը:
Հիշեցնենք, որ նույն թեմայով և սցենարով ևս մեկ զորավարժություն ՏԿԱԻՆ-ն անցկացրել է մայիսի 20-ին Տավուշում: