Ռազմաշաբաթ․ Վրաստան․ 21-27 հունիսի, 2015

Վրաստանում առաջարկել են վերացնել պարտադիր ժամկետային զինծառայությունը • Վրաստանը հնարավոր է ստորագրի ՀՕՊ համակարգերի ձեռքբերման եզրափակիչ համաձայնագիր • Վրաստանյան «Դիդգորի» զրահամեքենաները հնարավոր է արտահանվել են արտահանման • Հուլիսին Վրաստանում կանցկացվի Agile Spirit 2015 բազմազգ զորավարժություն • Օգոստոսին Վրաստանում կբացվի ՆԱՏՕ-ի հետ համատեղ ուսումնական կենտրոնի շտաբ-բնակարանը • ԱՄՆ Պետդեպի զեկույցում Վրաստանը որպես տարանցիկ երկիր է նշվում ահաբեկիչների համար

Վրաստանի ԶՈւ զինծառայող

• Վրաստանի խորհրդարանի մի քանի պատգամավորներ, ովքեր այս տարվա մայիսի 25-ին լքեցին Միխեիլ Սաակաշվիլու «Միացյալ ազգային շարժում» կուսակցության շարքերը, հայտարարություն են տարածել՝ Վրաստանում պարտադիր զինվորական ծառայությունը վերացնելու առաջարկով։

• Հունիսի 20-ին Վրաստանի պաշտպանության նախարար Թինա Խիդաշելին  անդրադարձել է  ՀՕՊ համակարգերի ձեռքբերման վերաբերյալ Ֆրանսիայում կնքված համաձայնագրին և հայտարարել, որ իրենք նախատեսում են ստորագրել  երկրորդ պայմանագիրը, որով «սկսված գործընթացն իր խելամիտ ավարտին կհասնի»։

• Վրաստանի «Դիդգորի» 10 զրահապատ մեքենաները, ինչպես նաև նույն մեքենայի հիմքի վրա ստեղծված սանիտարական 2 տիպի մեքենա, ըստ շրջանառվող տեղեկությունների, արտահանվել են արտահանման։

Վրաստանյան «Դիդգորի» զրահամեքենայի սանիտարական տարբերակը

• Հուլիսի 8-ից 22-ը Վրաստանում անցկացվելու է Agile Spirit 2015 բազմազգ զորավարժությունը, որին մասնակցելու են Վրաստանի, ԱՄՆ-ի, Բուլղարիայի, Ռումինիայի և Թուրքիայի զինված ուժերի զինծառայողներ։ Վրաստանյան կողմից զորավարժությանը մասնակցելու են ԶՈւ 4-րդ մեխանիզացված բրիգադի 42-րդ գումարտակի զինծառայողները։

• Հունիսի 25-ին Բրյուսելում Վրաստանի պաշտպանության նախարար Թինա Խիդաշելիի և ՆԱՏՕ-ի գլխավոր քարտուղարի տեղակալ Ալեքսանդր Վերշբոուի հանդիպման ընթացքում հայտնի է դարձել, որ Դաշինքի գլխավոր քարտուղար Յենս Ստոլտենբերգն այս տարվա օգոստոսին այցելելու է Վրաստան։ Այցի ժամանակ Վրաստանի Վազիանի ռազմաբազայում բացվելու է ՆԱՏՕ-ի հետ համատեղ ուսումնական կենտրոնի շտաբ-բնակարանը:

• Հունիսի 20-ին ԱՄՆ Պետդեպարտամենտը հրապարակել է իր՝ 2014թ տարեկան զեկույցն ահաբեկչության մասին, որտեղ նշվում է, թե Վրաստանը դեռևս միջազգային ահաբեկչական կենտրոն է, ինչպես նաև տարանցիկ երկիր ծայրահեղականների համար։

Ռազմաշաբաթը նաև՝

Հայաստանում

Ադրբեջանում

Թուրքիայում