Ինգուշեթիայում խոշոր խմբավորում է վնասազերծվել

Ինգուշեթիայի Ներքին գործերի նախարարությունից հայտնում են, որ ինգուշական իրավապահ մարմինները Էկաժեւո գյուղում ձեռնարկված օպերատիվ միջոցառումների արդյունքում հանրապետության բնակչության նկատմամբ ավազակային հարձակումներ իրականացնող մի խմբավորում են վնասազերծել:
Խմբավորման զինյալները դիմադրություն են ցույց տվել, ինչի հետեւանքով հրաձգություն է սկսվել: Սպանվել է մեկ, կալանավորվել խմբավորման չորս անդամ:
Անվտանգության ուժերի շարքում տուժածներ չկան:
ՆԳՆ ներկայացուցչի խոսքերով՝ տեղեկություն կա, որ հանցավոր ճանապարհով ձեռք բերված միջոցների որոշ մասը ուղղվել է զինյալների ֆինանսավորմանը:
Ինգուշեթիայի ՆԳՆ մամուլի ծառայության մեկ այլ հաղորդագրության համաձայն՝ իրավապահ մարմինները Մալգոբեկում զինամթերքով լցված դատարկ շինություն են հայտնաբերել: Միջոցառումներ են ձեռնարկվել պարզելու համար, թե ում է պատկանում հայտնաբերված զինամթերքը:
Հաղորդվում է նաեւ Նազրանի շրջանում անվտանգության ուժերի կողմից ձեռնարկված օպերատիվ միջոցառումների արդյունքում հայտնաբերված եւ վնասազերծված ինքնաշեն պայթուցիկ սարքի մասին: