[Լրացված] Ինքնասպան է եղել ադրբեջանական բանակի զինծառայող

Ադրբեջանի զինված ուժերում օրերս գրանցվել է ինքնասպանության դեպք, տեղեկություն, որի մասին առայժմ տեղ չի գտել պաշտոնական լրահոսում։ Սոցիալական ցանցերից Ռազմինֆոյին հայտնի է դարձել, որ օրերս ինքնասպան է եղել Ադրբեջանի զինված ուժերի զինծառայող, 19-ամյա Թափթըգլը Էլնուր Էլչին օղլուն (Taptıqlı Elnur Elçin oğlu)։

Հայտնի է նաև, որ նա ծառայում էր զինված ուժերի 812-րդ բրիգադում։ Այլ մանրամասներ՝ ներառյալ միջադեպի ստույգ ամսաթիվը, դեռևս հայտնի չեն։

Հավելենք, որ 2015-ի հունիսին սա Ադրբեջանի պաշտպանական և անվտանգության համակարգերում տեղ գտած և հայտնի դարձած մահվան ելքով 3-րդ միջադեպն է։

Լրացում. Հունիսի 16-ին Ադրբեջանական ընդդիմադիր «Ազադլըգ» թերթի կայքում տեղ է գտել հրապարակում Թափդըգլըի ինքնասպանության վերաբերյալ, որում նշվում է, որ միջադեպը գրանցվել է Թովուզի շրջանի Գարալար գյուղում տեղակայված զորամասում։ Նշվում է նաև, որ զինծառայողը զորակոչվել էր Աղդաշի շրջանից։