Հունիսի 2-ին Ադրբեջանի ՆԳՆ ներքին զորքերի հրամանատար, գեներալ-լեյտենանտ Շահին Մամեդովն այցելել է զորատեսակի՝ Բաքվում տեղկայաված երկու զորամասեր, ստուգելու համար անձնակազմի պատրաստվածության աստիճանը՝ հունիսի 12-ից 28-ը Բաքվում անցկացվելիք Եվրոպական առաջին խաղերին ընդառաջ։ Այս մասին հայտնում է ներքին զորքերի մամուլի ծառայությունը։
Հաղորդագրությունում նշվում է, որ ուժեղացված ծառայության շրջանակներում նախագծվել է գործողությունների պլան, կազմակերպվել են օպերատիվ շտաբներ։
Նշվում է նաև, որ Եվրոպական խաղերին նախապատրաստման շրջանակներում իրականացվել է անձնակազմի վերապատրաստում՝ անվտանգության տեխնիկայի մի շարք միջոցներին լիարժեք տիրապետման նպատակով։ Եվրոպական խաղերի անվտանգության ապահովմանը ներգրավված են լինելու նաև կին զինծառայողներ, որոնք, իրենց հերթին, անցել են անգլերենի վերապատրաստման դասընթացներ։