ՀՀ զինված ուժերում մեկնարկել են բազմաստիճան հրամանատարաշտաբային զորավարժություններ

Այսօր՝ մայիսի 30-ին, զինված ուժերի պատրաստության պլանի համաձայն մեկնարկել են բանակային զորամիավորումների և ուժեղացման միջոցների հետ անցկացվող բազմաստիճան հրամանատարաշտաբային զորավարժություններ:Այս մասին հայտնում է պաշտպանության նախարարության տեղեկատվության վարչությունը։

ՊԲ հրամանատարը զորավարժության ընթացքին ծանոթանալիս

ՊԲ հրամանատարը զորավարժության ընթացքին ծանոթանալիս. Արխիվային լուսանկար

Հաղորդագրության մեջ նշված է.

Զորավարժություններին ներգրավված են նաև ՀՀ տարածքային կառավարման և արտակարգ իրավիճակների նախարարության, ՀՀ ոստիկանության ստորաբաժանումների ուժերն ու միջոցները, տարածքային ինքնակառավարման մարմինների ներկայացուցիչներ:

[Թարմացում]

Բազմաստիճան հրամանատարաշտաբային զորավարժության ստուգատեսի մեկնարկի կապակցությամբ մայիսի 30-ին 5-րդ բանակային զորամիավորում է այցելել պաշտպանության նախարար Սեյրան Օհանյանը: Նախարարին ուղեկցել են ԶՈւ ԳՇ պետի տեղակալ, գեներալ-լեյտենանտ Լյովա Մնացականյանը, ՊՆ աշխատակազմի ղեկավար Գառնիկ Հայրապետյանը և այլ բարձրաստիճան զինվորականներ:

Սեյրան Օհանյանը հետևել է բազմաստիճան հրամանատարաշտաբային զորավարժության մեկնարկին

Սեյրան Օհանյանը հետևել է բազմաստիճան հրամանատարաշտաբային զորավարժության մեկնարկին

Այցի նպատակն էր ունկնդրել ստուգատեսի մեջ ներգրավված անձնակազմի՝ մարտական պատրաստականության աստիճանների բերման, ժամանակակից համազորային մարտ իրականացնելիս զինծառայողների՝ ըստ կենտրոնացման շրջանների ծավալման, ինչպես նաև մարտական իրադրության զարգացման պայմաններում հրամանատարների, շտաբների և զորավարժությանը ներգրավված ամբողջ անձնակազմի առջև դրված խնդիրների վերաբերյալ զեկույցները:

Զորավարժության նպատակն է կատարելագործել զորամիավորումների, հրամանատարների և շտաբների գործնական ունակությունները ստորաբաժանումները մարտական պատրաստականության աստիճանի բերելիս, մարտական գործողություններ կատարելիս և համակողմանի ապահովումներ կազմակերպելիս, ինչպես նաև բարձրացնել ստորաբաժանումների միջև ներդաշնակումը, փոխգործակցության մակարդակը, անձնակազմի բարոյահոգեբանական հատկանիշներն ու դաշտային վարժվածության մակարդակը:

One response to “ՀՀ զինված ուժերում մեկնարկել են բազմաստիճան հրամանատարաշտաբային զորավարժություններ

  1. Pingback: Ավարտվել են ՀՀ ԶՈւ բազմաստիճան հրամանատարաշտաբային զորավարժությունները | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *