Ստամբուլում անցկացված IDEF-2015 ցուցահանդեսում ներկայացվել են MPT-76 հրացանների նոր մոդելներ

Թուրքական ռազմարդյունաբերական MKEK ընկերությունը  2015թ. մայիսի 5-8-ը Ստամբուլում  անցկացված 12-րդ միջազգային ռազմարդյունաբերական IDEF-2015 ցուցահանդեսում   Թուրքիայի ԶՈւ-ի համար ներկայացրել  է  MPT-76 հրացանների հիման վրա արտադրված նոր մոդելներ։ Այս մասին հաղորդում է «Ջեյնս» ռազմական հանդեսը։

MPT 76 «Մեհմեթչիք-2» ինքնաձիգը

MPT 76 «Մեհմեթչիք-2» ինքնաձիգը

Համաձայն աղբյուրի, թուրքական MKEK և KaleKalip ռազմաարդյունաբերական ընկերությունների ներկայացուցիչները հայտնել են, որ չնայած Թուրքիայի ԶՈւ-ն կենտրոնացել է միայն MPT-76  հրացանների ստանդարտ  MPT-76 «Մեհմեթչիք-1» և «Մեհմեթչիք-2» տարբերակների արտադրության վրա, այդուհանդերձ, դրանց երկու նոր տարբերակաները ևս արդեն բանակի տրամադրության տակ են։

Առաջին հրացանի երկարությունը 306 մմ է, իսկ երկրորդինը՝  506 մմ։ Այս վերջինի նախատիպը IDEF-2015 ցուցահանդեսում   ներկայացրել է  KaleKalip ռազմաարդյունաբերական ընկերությունը։

Հիշեցնենք, որ «Մեհմեթչիք-1»-ի արտադրությամբ զբաղվում է թուրքական MKEK ընկերությունը։ Նախագծման աշխատանքները սկսվել էին 2008-ին։ Թուրքական հրացանի ստեղծման համար հիմնականում կիրառվել են գերմանական Heckler & Koch HK416 ինքնաձիգի լուծումները, դրանք, շատ նման են նաև արտաքնապես, ինչն էլ գերմանական կողմի դժգոհությունն էր առաջ բերել։ Այս ամենի հետևանքով «Մեհմեթչիք-1»-ի արտադրությունն ու կիրառությունը հետաձգվեց մինչև 2011 թվականը։

Նշենք, որ «Մեհմեթչիք-1»-ի քաշը 3.6 կգ է։ Կրակում է ՆԱՏՕ-ի 5.56X45 մմ փամփուշտներով։ Խոցման արդյունավետ հեռավորությունը 500 մետր է, առավելագույնը՝ 1 կմ։ 1 րոպեում այն կարող է արձակել մինչև 750 գնդակ։

Հիշեցնենք, որ Ստամբուլում մայիսի 5-8 անցկացվել է IDEF-2015 պաշտպանական արդյունաբերության 12-րդ միջազգային ցուցահանդեսը, որին մասնակցում են մի շարք երկրների ռազմարդյունաբերական ընկերություններ, այդ թվում նաև՝ Ադրբեջանից և Ռուսաստանից։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *