Ապրիլի 28-ին Թուրքիայի կենտրոնական Կեսարիա նահանգում անզգուշությամբ իր վրա կրակելու հետևանքով մահացել է երկրի զինված ուժերի ժանդարմերիայի զինծառայող, 27 -ամյա ենթասպա Մեհմեդ Քարաբուլութը։ Այս մասին հաղորդում է թուրքական «Դողան» լրատվական գործակալության կայքը։
Թուրքիայի ԶՈւ զինծառայողի հուղարկավորություն
Դեպքը գրանցվել է 2015-ի ապրիլի 28-ին, Կեսարիայի Մելիքգազի գավառում։ Ենթասպա Մեհմեդ Քարաբուլութը, ով ծառայությում էր Թուրքիայի արևելյան Աղրը նահանգի Թաշլըչայ գավառի ժանդարմերիայում, ատրճանակով կատակ անելիս, քաշել է ծառայողական ատրճանակի ձգանը և կրակել ինքն իր վրա։ Գլխից ծանր վնասվածք ստացած ենթասպային տեղափոխել են հիվանդանոց։ Չնայած բոլոր միջամտություններին՝ նա մահացել է։
Դեպքի մանրամասները պարզելու նպատակով ոստիկանությունը հետաքննություն է սկսել։