ՌԴ Արևելյան ռազմական օկրուգում սկսվել է հակաօդային պաշտպանության խմբերի և ավիացիայի հրամանատարաշտաբային պլանային զորավարժություն, որն անցնում է օկրուգի հրամանատար, գեներալ-գնդապետ Սերգեյ Սուրովնիկինը անմիջական հրամանատարության ներքո։ Այս մասին հայտնում ՌԴ ԶՈւ Արևելյան ռազմական օկրուգի մամուլի ծառայությունը։
Հակաօդային պաշտպանության Տոռ ԶՀՀ. ՌԴ ԶՈւ
Զորավարաժությանը ներգրավված են տարեբր զորատեսակներ, որոնց թվում հակաօդային պաշտպանության, ավիացիայի և ՌԷՊ ուժերի տարբեր ստորաբաժանումներ։ Մասնակցում են նաև մոտոհրաձգային ու հետախուզական ստորաբաժանումներ։
Զորավարժության արդյունքում գործնականում մշակվելու են միացյալ ռազմական ուժերով պայմանական թշնամուն դիմակայելու եղանակները։ Ստորաբաժանումները պետք է կարողանան դիմակայել պայմանական թշնամու հարվածներին, միացյալ ռազմական ուժերն ու ՀՕՊ միջոցները՝ ոչնչացնել հակառակորդի թևավոր և բալիստիկ հրթիռները, հետախուզական և հարվածային ԱԹՍ-ները։ Զորավարժություններին մասնակցող ռադիոէլեկտրոնային պայքարի ստորաբաժանումների վրա խնդիր է դրված պարզել թշնամու տեղաշարժը:
Ամենամասաշտաբային պայմանական թիրախները տեղակայված են լինելու Պրիմորսկում և Բուրյատիայում (թվով 50 հատ): Դրանց խոցման համար օգտագործվելու են զենիթահրթիռային «Օսա», «Ստրելկա-10», Ս-300 «Ֆավորիտ» և Ս-400 «Տրիումֆ» համակարգեր։
Կիրառվելու են նաև «Տունգուսկա» զենիթային հրանոթա-հրթիռային համալիրներ, ինչպես նաև «Իգլա» ու «Վերբա» դյուրակիր ԶՀՀ-ներ։