Ռուսաստանի ԶՈւ Սևծովյան նավատորմի ծովային հետևակի ստորաբաժանումները զորավարժություն են անցկացնում Ղրիմում։ Նախատեսվում է իրականացվել դեսանտային նավերից անձնակազմի իջեցման, հրետանային մարտական կրակի, ռազմական տեխնիկայի վարման վարժանքներ։ Այս մասին մարտի 25-ին հայտնում է Ռուսաստանի ԶՈւ հարավային ռազմական շրջանի մամուլի ծառայությունը։
Դեսանտային տեխնիկայի իջեցում «Նովոչերկասսկ» դեսանտային նավից
Զորավարժություններն անցկացվում են Ղրիմի դեսանտային Օպուկ զորավարժարանում։ Հարավային ռազմական շրջանի հրթիռահրետանային զորամասերի դաշտային ելքին մասնակցելու համար անձնակազմի մի մասը զորավարժարան է տեղափոխվել «Նովոչերկասսկ» դեսնտային մեծ ռազմանավով: Վարժանքներին ներգրավվել են նաև ծովային հետևակի ինքնագնաց հրետանային համակարգեր և այլ մարտական մեքենաներ։
Զորավարժության տարբեր փուլերում ընդհանուր առմամբ մասնակցելու են 500 զինծառայող, 70 միավոր ռազմական տեխնիկա։