Սեյրան Օհանյանն ընդունել է ՀՀ-ում Գերմանիայի արտակարգ և լիազոր դեսպանին

ԳԴՀ դեսպանը բարձր է գնահատել պաշտպանական ոլորտում հայ-գերմանական համագործակցության մակարդակը և գերմանական զորախմբի կազմում հայ խաղաղապահների կողմից 2010թ.-ից Աֆղանստանում իրականացվող խաղաղապահ առաքելությունը:
ՀՀ պաշտպանության նախարարը շնորհակալություն է հայտնել ԳԴՀ դեսպանին հայ-գերմանական պաշտպանական համագործակցության ամրապնդման գործում ունեցած զգալի ավանդի համար և մաղթել հաջողություններ հետագա գործունեության ընթացքում: