Արցախի նախագահ Բակո Սահակյանը փետրվարի 18-ին ընդունել է ԵԱՀԿ Մինսկի խմբի համանախագահներ Իգոր Պոպովին (ՌԴ), Պիեռ Անդրիոյին (Ֆրանսիա), Ջեյմս Ուորլիքին (ԱՄՆ) և նրանց ուղեկցող անձանց: Այս մասին տեղեկացնում է Արցախի նախագահի կայքը:
Բակո Սահակյանի և ԵԱՀԿ ՄԽ համանախագահների հանդիպումը
Հանդիպմանը քննարկվել են Արցախյան հակամարտության կարգավորմանը և սահմաններում տիրող իրավիճակին վերաբերող հարցեր:
Բակո Սահակյանը նշել է, որ Ադրբեջանի կողմից զինադադարի ռեժիմի կոպիտ խախտումներն ստացել են նոր, շատ ավելի բացասական որակ և դրսևորումներ, որոնք լուրջ վտանգ են ներկայացնում խաղաղ գործընթացին, միջնորդների կողմից կատարվող աշխատանքին և տարածաշրջանում կայունության պահպանմանը:
Հանդիպմանը մասնակցում էին նաև Արցախի արտաքին գործերի նախարար Կարեն Միրզոյանը, ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկը, պաշտոնատար այլ անձինք:
Փետրվարի 19-ին էլ համանախագահներին ընդունել է ՊԲ հրամանատար, գեներալ-լեյտենանտ Մովսես Հակոբյանը:
Մովսես Հակոբյանի և ԵԱՀԿ ՄԽ համանախագահների հանդիպումը
Հանդիպման ընթացքում համանախագահները բանակի հրամանատարին են ներկայացրել իրենց տարածաշրջանային այցի արդյունքները, քննարկել հակամարտության կարգավորման հնարավոր հեռանկարները: Այնուհետև նրանց խնդրանքով Մովսես Հակոբյանն անդրադարձել է շփման գծում տիրող իրադրությանն ու հրադադարի ռեժիմի խախտման դեպքերին ու պատասխանել համանախագահներին հետաքրքող հարցերին: