Գաբալայի ՌՏԿ-ի շուրջ բանակցությունները դեռ շարունակվում են

Գաբալայի ռադիոտեղորոշիչ կայանի (ՌՏԿ) վարձակալման վերաբերյալ  Ռուսաստանի և Ադրբեջանի միջև  կայացած բանակցությունների արդյունքները կհրապարակվեն մինչև այս տարվա վերջ։Այդ մասին հայտնել է Ադրբեջանի արտգործնախարար Էլմար Մամեդյարովը։

Նրա խոսքերով Ռուսաստանի կողմից Գաբալայի ՌՏԿ-ի վարձակալման  հարցի քննարկումը դեռ շարունակվում է, սակայն դեռ վաղ է հստակ բան ասել վերջնական որոշման մասին։ Ըստ նրա՝ մինչև տարվա վերջ պարզ կլինի և կհայտնեն արդյունքների մասին։

Նշենք, որ մինչև այս տարեվերջ նախատեսվում է շահագործման հանձնել ռուսական Արմավիրի մոտակայքում կառուցվող նորագույն «Վորոնեժ-ԴՄ» տիպի ռադիոտեղորոշիչ կայանը, որն ի վիճակի կլինի լիովին փոխարինել Գաբալայի ՌՏԿ-ին, եթե վերջինիս վաձակալությունը չերկարաձգվի։

Աղբյուրը։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *