Թուրքիան հունվարի 30-ին տանկեր է կուտակել թուրք-սիրիական սահմանի երկայքով, մասնավորապես` Թուրքիայի հարավարևմտյան Քիլիս գավառի տարածքում։ Տանկերն ուղղվել են քրդական «Քրդական դեմոկրատական միություն» (PYD) ջոկատների տեղակայման վայրերի ուղղությամբ։
«Իսլամական պետություն» ահաբեկչական խմբավորման վերահսկած տարածքները Սիրիայում ու Իրաքում. Ֆրանսիան ԻՊ խմբավորման դիրքերին հարվածում է Իրաքի Մոսուլի հատվածում, իսկ ԱՄՆ-ն ու արաբական պետությունները՝ Սիրիայի Ռաքքայի հատվածում
Թուրքական «Իհլաս հաբեր» լրատվական գործակալության հաղորդած տեղեկությունների համաձայն՝ հունվարի 30-ի առավոտյան Թուրքիան Գազիանթեփի 5-րդ զրահային գնդի տանկերը տեղափոխվել է Սիրիայի սահման։ Տանկերի հետ սահման են ուղարկվել նաև մեծ քանակությամբ զինամթերք և սպասարկող անձնակազմ։
Հատկանշական է, որ տրաբաբանորեն իբրև «Իսլամական պետություն» խմբավորման դեպ պայքարող ուժերին օժանդակող կոալիցիայի անդամ՝ Թուրքիան պետք է իր տանկերն ուղղեր վերջինիս ուղղությամբ, սակայն, հայտնի է դարձել, որ թուրքական սպառազինությունը տեղակայվել է քրդական PYD-ի դիքերի ուղղությամբ և ինչպես հայտնի է, բոլոր հրանոթներն արդեն ուղղվել են դեպի Սիրիա։
Հիշեցնենք, որ 2014-ի հեկտեմբերին թուրքական «Անադոլու» լրատվական գործակալությունը հայտնել էր Թուրքիա ” Սիրիա սահմանին թուրքական տանկերի կուտակումների մասին՝ հրապարակելով նաև դրա մասին վկայող լուսանկարներ։
Նշենք, որ «Քրդական դեմոկրատական միություն»-ը (PYD) ամիսներ շարունակ պայքարում էր Քոբանի քաղաքի քրդերի վրա հարձակված «Իսլամական պետություն» ահաբեկչական կառույցի դեմ։ Եվ միայն այս հունվարին PYD-ին և նրանց միացած Քրդական Ինքնավարության Փեշմերգե զորաջոկատներին հաջողվեց ազատագրել քաղաքը, սակայն որոշ փաստերի համաձայն՝ ԻՊ-ն նոր հարձակումներ է սկսել քաղաքի ուղղությամբ։
Սակայն հարկ է հիշեցնել, որ Թուրքիան PYD-ին միշտ դիտել է իբրև «Քրդական աշխատավորական կուսակցության» թև և սպառնալիք Թուրքիայի անկախության համար։ 2014-ի նոյեմբերին Թուրքիայի նախագահ Ռեջեփ Թայիթ Էրդողանը PYD-ն կոչել է նույնպիսի ահաբեկչական կազմակերպություն, ինչպիսին «Քրդական աշխատավորական կուսակցությունն» է, և մեղադրել ԱՄՆ-ին PYD-ին բացահայտորեն աջակցելու համար: