Ֆրանսիայի խորհրդարանը հունվարի 13-ին երկարաձգել է ֆրանսիական զինուժի մասնակցությունը «Իսլամական պետություն» ահաբեկչական խմբավորման դեմ ԱՄՆ-ի գլխավորած միջազգային կոալիցիայի պայքարում, հայտնում է ֆրանսիական AFP գործակալությունը:
«Իսլամական պետություն» ահաբեկչական խմբավորման վերահսկած տարածքները Սիրիայում ու Իրաքում. Ֆրանսիան ԻՊ խմբավորման դիրքերին հարվածում է Իրաքի Մոսուլի հատվածում, իսկ ԱՄՆ-ն ու արաբական պետությունները՝ Սիրիայի Ռաքքայի հատվածում
Ֆրանսիայի Ազգային ժողովում 482 պատգամավորներից 468-ը կողմ է քվեարկել պայքարը շարունակելուն, դեմ է քվեարկել 1 պատգամավոր, ձեռնպահ՝ 13: Դրանից առաջ նույն հարցի օգտին Սենատում կողմ էր քվեարկել 327 սենատոր, մնացած 19-ը քվեարկել են ձեռնպահ:
Հիշեցնենք, որ Իրաքում և Սիրիայում «Իսլամական պետություն» ահաբեկչական կազմակերպությունը հսկայական տարածքներ է զավթել ու շարունակում է իր ահաբեկչական գործունեությունը: Կազմակերպության դեմ պայքարում են Սիրիայի և Իրաքի կառավարական ուժերը և տեղաբնակ քրդերը, ինչպես նաև ԱՄՆ-ի գլխավորությամբ 2014-ի սեպտեմբերին կազմավորված միջազգային կոալիցիան, որը օդային հարվածներ է հասցնում ահաբեկիչների դիրքերին:
Pingback: ԱՄՆ-ն և Ֆրանսիան համատեղ հարված կհասցնեն ԻՊ դիրքերին | Ռազմ.info