Ադրբեջանի խաղաղապահ զորախումբը մեկնել է Աֆղանստան

Ադրբեջանի ԶՈւ զորամասերից մեկում անցկացվել է Աֆղանստանում խաղաղապահ առաքելություն իրականացնող 39 հոգանոց զորախմբի մեկնման արարողությունը։ Աֆղանստան մեկնած զինծառայողները կփոխարինեն ներկայումս այնտեղ առաքելություն իրականացնող ադրբեջանցի մյուս խաղաղապահներին։ Այս մասին հունվարի 10-ին հայտնել է Ադրբեջանի ՊՆ մամուլի ծառայությունը։

Ադրբեջանի ԶՈւ խաղաղապահ զինծառայողները

Հաղորդագրությունում նշվում է, որ ըստ նոր հանձնարարության խաղաղապահներն իրականացնելու են Քաբուլ քաղաքի միջազգային օդանավակայանի պահպանությունը։

Նշենք, որ Ադրբեջանի զինծառայողները Աֆղանստանում թուրքական զորախմբի ենթակայությամբ խաղաղապահ առաքելություն են իրականցնում 2002-ի նոյեմբերից։ Ներկայումս Աֆղանստանում խաղապահ առաքելություն է իրականացնում 94 ադրբեջանցի զինծառայող՝ այդ թվում 2-ական զնվորական բժիշկ և ինժեներ։

Հիշեցնենք նաև, որ 2015-ի հունվարից Թուրքիան ստանձնեց Քաբուլի միջազգային օդանավակայի հսկողությունը։ «Վճռական աջակցություն» առաքելության շրջանակներում Աֆղանստանում ծառայում է թուրքական զինուժի շուրջ 900 հոգանոց անձնակազմ։