[Լրացված] Գյումրիում 6 հոգանոց ընտանիք է սպանվել

Այսօր՝ հունվարի 12-ին, Գյումրիում սպանվել է 6 հոգանոց ընտանիք, ինչի համար, ըստ հայկական լրատվամիջոցների հրապարակումների, կասկածվում է Գյումրիում տեղակայված ռուսաստանյան ռազմաբազայից փախած զինծառայող:

Galatv.am կայքը, հղում անելով սեփական աղբյուրներին, նշում է, որ սպանությունը կատարել է Գյումրիում տեղակայված ՌԴ 102-րդ ռազմաբազայի զինծառայող, որը մինչ այդ փախել է զորամասից: Առավոտ թերթի կայքը նշում է, որ փախած զինծառայողը բազայում ծառայության էր անցել 2014թ դեկտեմբերին: Առավոտը նշում է, որ Շիրակի մարզային ոստիկանությունում հաստատել են լրատվամիջոցի տեղեկությունը:

Yerkirmedia.am կայքը հայտնում է, ըստ Քննչական կոմիտեի՝  սպանության համար հիմնական կասկածյալը ռուս զինվորական Պերմյակով Վալերի Պավլովիչն է։ Դեպքի վայրում հայտնաբերվել են զինվորականի կոշիկները, ԱԿ-74 ինքնձիգը, 5,45մմ տրամաչափի պարկուճներ եւ մեկ պահունակ` փամփուշտներով։

Սպանության կասկածանքով հետախուզվող Վալերի Պերմյակովը

Լրացում. ՀՀ ոստիկանությունը տարածել է հաղորդագրություն՝ նշելով, որ սպանություն կատարելու կասկածանքով հետախուզվում է ժամկետային զինծառայող Վալերի Պերմյակովը՝ տեղադրելով նաև նրա լուսանկարը և քաղաքացիներին հայցելով պատկերված անձին տեսնելու դեպքում զանգահարել 1-02 հեռախոսահամարով։

Սպանության կասկածանքով հետախուզվող Վալերի Պերմյակովը