Ադրբեջանում հայտարարվել է պահեստազորայինների հավաք

Ադրբեջանի մոբիլիզացիայի և զինվորական ծառայության զորակոչի պետական ծառայությունը հայտարարել է պահեստազորայինների ստուգիչ հավաք: Այս մասին 2015-ի հունվարի 6-ին հայտնել է ադրբեջանական AzVision.az լրատվակայքը։ 

Զորահավաք Ադրբեջանում. 2014 թ.

Զորահավաք Ադրբեջանում. 2014 թ.

Վերջինի խմբագրության աշխատակիցները կապվել են զորահավաքն իրականացնող պետական ծառայության պատասխանատուներին՝ փորձելով ճշտել, թե որքանով են անցկացվող միջոցառումները կապված առաջնագծում վերջին օրերին տիրող իրավիճակի հետ։ Հարցմանն ի պատասխան, սակայն նշվել է, որ հավաքը պլանային է։

Հայտնի չէ, սակայն, թե ստուգիչ միջոցառումների շրջանակներում քանի պահեստայինի հավաք է նախատեսվում անցկացնել։

Նշենք, որ ըստ ադրբեջանական օրենսդրության, հավաքների անցկացման ժամանակահատվածը որոշում է պաշտպանության նախարարությունը, իսկ ընդգրկվող  անձնակազմի քանակը՝ երկրի նախագահը: Օրենքի համաձայն՝ մոբիլիզացիայի պատրաստականությունը ստուգելու նպատակով անցկացվող հավաքները կարող են տևել մինչև 10 օր։

One response to “Ադրբեջանում հայտարարվել է պահեստազորայինների հավաք

  1. Pingback: Ադրբեջանում հայտարարվել է պահեստազորայինների հավաք razm.info | Norlur.am

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *