Ռազմաշաբաթ. Ադրբեջան. դեկտեմբերի 21-27, 2014

Ադրբեջանը հայտարարում է, որ գերեվարել է ՊԲ զինծառայողի • Ադրբեջանն ու Բահրեյնը ստորագրել են ռազմական համագործակցության ընդլայնման պլան • Բարենային վառելիքային ապահովման ծառայությունների պետերի հավաք • Պաշտպանական արդյունաբերության նախարարությունը ներկայացրել է սեփական արտադրության որսորդական հրացաններ • Ռուս-ադրբեջանական միջկառավարական հանձնաժողովի նիստ Մոսկվայում • Հասանելի է դարձել ադրբեջանակ զինուժի «Վենա» ինքնագնաց հրանոթների լուսանկարը • Իլհամ Ալիևի ծննդյան օրը մի խումբ սպաներ ստացել են գնդապետի զինվորական կոչում։

Զաքիր Հասանովը գնդապետի կոչում է շնորհում

Դեկտեմբերի 27-ի առավոտյան Ադրբեջանի ՊՆ-ն հաղորդագրություն է տարածել, որ Աղդամի հատվածում պաշտպանության բանակի ստորաբաժանումների անհաջող դիվերսիոն գործողություն հետևանքով ադրբեջանցիները գերի են վերցրել ՊԲ զինծառայող Արսեն Բաղդասարյանին: Ավելի ուշ ՊԲ մամուլի ծառայությունը հերքել է հայկական կողմի դիվերսիայի մասին տեղեկատվությունը, սակայն չի հերքել զինծառայողի գերեվարման փաստը։

Զաքիր Հասանովի գլխավորած պատվիրակությունը 2014-ի դեկտեմբերի 25-ին պաշտոնական այցով մեկնել է Բահրեյնի Թագավորություն, որտեղ հանդիպել է թագավորին, զինված ուժերի գլխավոր հրամանատարին, ռազմաօդային և ռազմածովային ուժերի հրամանատարներին։ Այցի ընթացքում ստորագրվել է նաև ռազմական համագործակցության ընդլայնման պլանը։

Ներկայիս Ադրբեջանի Գյանջա (Գանձակ) քաղաքում դեկտեմբերի 20-ին անցկացրել է ԶՈւ զորամիավորումների, սորաբաժանումների և առանձին զորամասերի իրային ու պարենային ծառայության պետերի հավաք, որի ընթացքում խոսվել է վերջին տարիններին իրային և պարենային ծառայությունում կատարված բարեփոխումների մասին։ Օրեր անց, նմանատիպ հավաք են անցկացրել նաև վառելիքա-քսուքային նյութերի մատակարարման ծառայության պետերը։

Ադրբեջանի գիտությունների ազգային ակադեմիայում դեկտեմբերի 24-ին մեկնարկել է Ինտելեկտուալ սեփականության և ինովացիաների համապետական ցուցահանդես, որի ընթացքում սեփական արտադրության որսորդական հրացաններ է ներակայացրել Ադրբեջանի պաշտպանական արդյունաբերության նախարարությունը։ Դրանցից մեկը երկփող է, մյուսը՝ միափող, կիսաավտոմատ։ Երկու հրացաններն էլ օգտագործում են 12 տրամաչափի (18,5մմ) փամփուշտներ։

Պաշտպանական արդյունաբերության ներկայացրած որսորդական հրացանները

ՌԴ մայրաքաղաք Մոսկվայում 2014-ի դեկտեմբերի 17-ին կայացել է Ռուսաստան-Ադրբեջան ռազմատեխնիկական համագործակցության միջառավարական հանձնաժողովի 8-րդ նիստը, որի ընթացքում քննարկվել են ոլորտին առնչվող մի շարք հարցեր, ինչպես նաև հստակեցվել հետագա համագործակցության ուղղությունները։ Տեղեկությունն այս մասին ՌԴ ռազմատեխնիկական համագործակցության դաշնային ծառայությունը հրապարակել է դեկտեմբերի 23-ին։

Ադրբեջանի ՊՆ-ն դեկտեմբերի 23-ին հրապարակել է Ջամշիդ Նախիջևանսկու անվան ռազմական ուսումնարանի կուրսանտների մասնագիտական դասընթացները ներկայացնող հաղորդագրություն, որին կից լուսանկարներից մեկում տեղ է գտել նաև ադրբեջանական զինուժը համեմատաբար վերջերս համալրած 2Ս31 «Վենա» ինքնագնաց հրետանային հրանոթը։
Զենքի համաշխարհային առևտրի վերլուծության կենտրոնի տվյալների համաձայն, Ադրբեջանը «Վենա» ինքնագնաց հրետանային հրանոթերի 18 միավոր ՌԴ-ին պատվիրել էր 2011-ին՝ ակնկալելով ստանալ դրանք 2013-ին։ Կենտրոնը գործարքի արժեքը գնահատել է 40 միլիոն դոլարի շրջակայքում։

Ադրբեջանի նախագահ Իլհամ Ալիևի ծննդյան օրը՝ դեկտեմբերի 24-ին, պաշտպանության նախարարությունում կայացել է հանդիսավոր արարողություն, որի ընթացքում Զաքիր Հասանովը մի շարք զորատեսակների և զորամիավորումների ներկայացուցիչներին շնորհել է գնդապետի զինվորական կոչում։ Դատելով սպաների կրծքին ամրացված տարբերանշաններից, դնապետի կոչում ստացողների թվում են ցամաքային զորքերի, բանակային 2-րդ և 4-րդ կորպուսների, գլխավոր շտաբի և ռազմական ակադեմիայի ներկայացուցիչները։

Ռազմաշաբաթը նաև Հայաստանում