Ադրբեջանական լրատվամիջոցները՝ հղում անելով Ադրբեջանի ՊՆ մամլո խոսնակի տեղակալ Թեյմուր Աբդուլաևին, հայտնում են, թե Ադրբեջանի ՊՆ Աղստաֆայի շրջանի զորամասերից մեկում երկու զինվոր մահացել են, մեկը վիրավորվել՝ զորամասում գրանցված դժբախտ պատահարի հետևանքով:
«Զինառայողները՝ զորամասում բետոնե սալիկի անկման հետևանքով, գլխի վնասվածքներ են ստացել: Պատահարից հետո նրանք տեղափոխվել են հիվանդանոց, սակայն Էմին Գուլիևի (Սումգաիթի զ/կ) և Օրհան հուսեյնովի (Աղդաշայի զ/կ) կյանքը փրկել չի հաջողվել: Վիրավորված Էլնուր Կեչալովը դեռևս հիվանդանոցում է»,- հայտնել է Աբդուլաևը:
Նշենք, որ սա առաջին դեպքը չէ, երբ հայկական կողմի դեմ ուղղված ադրբեջանական գործողություններից հետո ադրբեջանցիները սկսում են հայտնել բանակում դժբախտ պատահարի զոհ դարձած զինծառայողների մասին:
Pingback: Ադրբեջանական կողմը 25 զոհ է տվել, որոնց մասին հրահանգվել է չհայտնել. օրվա ամփոփում | Ռազմ.info