Բաքվում նախանշված ՏՏ ցուցահանդեսին կմասնակցեն նաև ռազմարդյունաբերական ընկերություններ

Ադրբեջանի կապի և բարձր տեխնոլոգիաների նախարարության նախաձեռնությամբ 2014-ի դեկտեմբերի 2-3-ին կանցկացվի հեռահաղորդակցության և տեղեկատվական տեխնոլոգիաների Bakutel միջազգային ամենամյա ցուցահանդեսը։ Աշխարհի մի շարք երկրներից մասնակցության հայտ ներկայացրած ընկերությունների թվում կան նաև այնպիսիք, որոնք տալիս են ռազմական արտադրանք։

Bakutel ցուցահանդեսի լոգոն

Bakutel ցուցահանդեսի լոգոն

Ինչպես հայտնում է ադրբեջանական «ԱՊԱ» գործակալությունը, Bakutel 2014 ցուցահանդեսին մասնակցելու են նաև իսրայելական Elbit Systems և TSG IT Advanced Systems LTD ընկերությունները, որոնք արտադրում են ինչպես ռազմական, այնպես էլ քաղաաքացիական նշանակության սարքավորումներ։ Վերոնշյալ երկու ընկերություններն էլ մատակարարման պայմանագրեր ունեն Ադրբեջանի ՊՆ-ի հետ, իսկ Elbit Systems-ն ունի ներկայացուցչություն Բաքվում։

Նշենք, որ վերջինս ակտիվ համագործակցում է նաև Ադրբեջանի պաշտպանական արդյունաբերության նախարարության հետ մի շարք նախագծերի՝ այդ թվում նաև ԱԹՍ-ների արտադրության շրջանակներում։

Հիշեցնենք նաև, որ ադրբեջանական կողմը օգոստոսի 1-ի լույս 2-ի գիշերը Արցախում հայկական դիրքերի ուղղությամբ նախաձեռնել էր դիվերսիոն ներթափանցման անհաջող փորձ և նահանջել՝ մարտադաշտում թողնելով զինամթերք և հատուկ նշանակության սարքավորումներ։ Դրանց թվում էր նաև իսրայելալական Elbit Systems-ի արտադրած LILY-S ջերմացուցային նշանոցը։

Իսրայելական արտադրության ջերմացուցային նշանոց

Մարտի դաշտում թողած ջերմացուցային նշանոցը

One response to “Բաքվում նախանշված ՏՏ ցուցահանդեսին կմասնակցեն նաև ռազմարդյունաբերական ընկերություններ

  1. Pingback: Ռազմաշաբաթ. Ադրբեջան. նոյեմբերի 23-29, 2014 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *