ՀՀ Նախագահ, զինված ուժերի գերագույն գլխավոր հրամանատար Սերժ Սարգսյանն այսօր՝ նոյեմբերի 13-ին, աշխատանքային այցով ժամանել է Արցախ, որտեղ Հայաստանի զինված ուժերի անցկացրած «Միասնություն-2014» համատեղ օպերատիվ-մարտավարական զորավարժության շրջանակներում կայցելի Պաշտպանության բանակի մի շարք զորամասեր, կծանոթանա զինված ուժերի մարտական պատրաստությանն ու բանակաշինության ընթացիկ աշխատանքներին։
Սերժ Սարգսյանի ժամանումը Ստեփանակերտի օդանավակայան
Մինչ այդ, Սերժ Սարգսյանը եղել է Գեղարքունիքի մարզում տեղակայված զորամասերից մեկի զորավարժարանում, դիտել հակաօդային պաշտպանության ստորաբաժանումների մարտական հրաձգությանը, խրախուսել ծառայության մեջ առավել աչքի ընկած զինծառայողներին:
Ուշագրավ է, որ նախագահն Արցախ է մեկնել ուղղաթիռով՝ ընդամենը ժամեր անց այն բանից հետո, երբ Ադրբեջանի ԱԳՆ-ն «ոչ թռիչքային գոտի» հայտարարեց Լեռնային Ղարաբաղի օդային տարածքը։
ՀՀ նախագահ Սերժ Սարգսյանն ու Արցախի ղեկավար Բակո Սահակյանը
Զորավարժություն Գեղարքունիքում։ Ձախից՝ աջ. ՊՆ Սեյրան Օհանյան, նախագահ Սերժ Սարգսյան, ԶՈւ ԳՇ պետ Յուրի Խաչատուրով, ԶՈւ գլխավոր ռազմական տեսուչ Միքայել Հարությունյան
Հայկական զինուժի «ՕՍԱ» զենիթահրթիռային համալիրը հրթիռի արձակման պահին
Pingback: Նախագահ Սերժ Սարգսյանը հետևել է Արցախում անցկացվող զորավարժության ընթացքին | Ռազմ.info