Աֆղանստանում վերջին շրջանում ակտիվացել են «Թալիբան» ահաբեկչական խմբավորման գործողությունները։ Վերջին մի քանի օրվա ընթացքում ահաբեկչական գործողությունների ժամանակ սպանվել են ոստիկաններ և խաղաղ բնակիչներ։
Ղանդագարի շրջանում ոստիկանական բաժանմունքի մոտ մեքենայի պայթյունից զոհվել են 4 ոստիկան և վիրավորվել 12 պատահական անցորդ, որոնցից հինգը դպրոցկան են եղել։
Նանգարհար շրջանի Ջելալաբադ քաղաքում մահապարտը հարձակվել է ոստիկանական բաժանմունքի վրա և պայթեցրել այն, որի հետևանքով զոհվել է երկու ոստիկան։
Այդ բոլոր ահաբեկչական գործողությունների պատասխանատվությունն իր վրա է վերցրել «Թալիբան» խմբավորումը։
Բռնությունների աճի պատճառով երկրի բնակչության մոտ մտավախություն կա, որ 2014 թվականին, երբ ՆԱՏՕ-ն դուրս բերի իր զորքերն Աֆղանստանից, աֆղանական բանակն ու ոստիկանությունը չեն կարողանա ապահովել իրենց անվտանգությունը։