Հայաստանի զինված ուժերում մեկնարկել է լայնամասշտաբ զորավարժություն

Հայաստանի զինված ուժերը (ներառյալ Պաշտպանության բանակը) 2014-ի նոյեմբերի 6-ից անցկացնում են պլանային խոշոր զորավարժություն՝ բոլոր զորատեսակների ներգրավմամբ։ «Միասնություն 2014» անունը կրող օպերատիվ մարտավարական զորավարժությունը տևելու է շուրջ 10 օր, դրա շրջանակներում զորակոչվել են նաև պահեստայիններ։

Զորավարժությունում ներգրավված «Տոչկա» մարտավարական հրթիռային համալիրներ

Լայնածավալ զորավարժություններում ընդգրկված մարտական տեխնիկան դուրս է բերվել մշտական տեղակայման զորամասերից։ Մարտական լրակազմով թռիչքներ են իրականացնում նաև հայկական օդուժի Սու-25 գրոհիչները։

Զորավարժությունում ընդգրկված Սու 25 գրոհիչ