Հոկտեմբերի 25-ին Ադրբեջանի պաշտպանության նախարար, գեներալ-գնդապետ Զաքիր Հասանովն այցելել է երկրի զինված ուժերի ինժեներական-ամրաշինական զորամասերից մեկը, որտեղ՝ ըստ Ադրբեջանի ՊՆ հաղորդագրության, «ծանոթացել է կատարվող աշխատանքներին»։
Ադրբեջանի ՊՆ Զաքիր Հասանովն ու ԶՈւ ԳՇ պետ Նաջմեդին Սադիգովը ինժեներական տեխնիկան ստուգելիս
Հասանովը եղել է զորամասի հավաքակայանում, ստուգել է ինժեներական տեխնիկայի վիճակը։ Նախարարության հաղորդագրության մեջ նշվում է, որ կարևորելով պատերազմի ժամանակ ինժեներական-ամրաշինական զորքերի դերը՝ Ադրբեջանի նախագահի հանձնարարությամբ ինժեներական զորքերի համար գնվել է ժամանակակից տեխնիկա։
Այցի ընթացքում նախարարը ստուգել է նաև զորամասի ճաշարանն ու զորանոցները, ինչից հետո համապատասխան կարգադրություններ է արել զորամասում մարտական պատրաստության, զինծառայողների սոցիալ-կենցաղային պայմանների ու կարգապահության բարելավման հետ կապված։
Pingback: Զաքիր Հասանովն այցելել է առաջնագծի զորամասեր | Ռազմ.info
Pingback: Զաքիր Հասանովը ստուգայցով եղել է բանակային 3-րդ կորպուսում | Ռազմ.info
Pingback: Զաքիր Հասանովը ստուգայցվով եղել է 4-րդ բանակային կորպուսի զորամասերում | Ռազմ.info