Ռազմաշաբաթ. Հայաստան. հոկտեմբերի 19-25

Հայաստանը մասնակցել է ԱՊՀ ՀՕՊ Միացյալ համակարգի զորավարժությանը • Սեյրան Օհանյանն այցելել է բանակային կորպուսներ, առաջնագիծ • ՀՀ-ում ՌԴ դեսպանի հետ քննարկվել են ռազմական համագործակցության հարցեր։

Արցախի ղեկավարը Շահեն Մեղրյանի որդուն է փոխանցել հերոսի ստացած «Ոսկե արծիվ» շքանշանը

Արցախի ղեկավարը Շահեն Մեղրյանի որդուն է փոխանցել հերոսի ստացած «Ոսկե արծիվ» շքանշանը

• Հոկտեմբերի 21-ի առավոտյան ԱՊՀ անդամ 7 պետությունների զինված ուժերի ավելի քան 80 ինքնաթիռ ու ուղղաթիռ օդ էին բարձրացել ՌԴ ռմբակոծիչներին «որսալու» համար։ ԱՊՀ ՀՕՊ Միացյալ համակարգում մեկնարկել էր խոշոր զորավարժություն, որին մասնակցել է նաև Հայաստանը և ՀՀ-ում տեղակայված ՌԴ ԶՈւ հարավային ռազմական օկրուգի 102-րդ ռազմաբազան:

• Հոկտեմբերի 19-ին պաշտպանության նախարար Սեյրան Օհանյանն անակնկալ այցելել է երրորդ բանակային զորամիավորման ենթակա սահմանամերձ զորամասերից մեկը, բարձրացել սահմանագոտում տեղակայված մարտական հենակետեր, ստուգել պաշտպանական և ինժեներական կառույցների ամրությունն ու հուսալիությունը:

• Հոկտեմբերի 21-ին Սեյրան Օհանյանն այցելել է նաև զինված ուժերի 2-րդ բանակային կորպուսի ենթակայության մի շարք զորամասեր: Ուշադրության կենտրոնում են եղել զինվորական ստորաբաժանումներում օժանդակ կառույցների` ճաշարանների, բուժկետերի, պահակատների և նմանաբնույթ նոր շինությունների կառուցման ու նորոգման աշխատանքները:

• Հոկտեմբերի 24-ին  պաշտպանության նախարարը շարունակել է շաբաթվա սկզբից մեկնարկած այցերն ու եղել  4-րդ բանակային զորամիավորման զորամասերից մեկում: Սեյրան Օհանյանն այցելել է զրահատեխնիկայի նորոգման բազա, զրահատանկային տեխնիկայի պահպանման պահեստներ, ստուգել է նախորդ ցուցումների կատարման ընթացքը։ Ներկա է եղել ավտոհավաքակայանի բացման արարողությանը:

• Հոկտեմբերի 23-ին ՀՀ ՊՆ վարչական համալիրում պաշտպանության նախարար Սեյրան Օհանյանը հանդիպել է Հայաստանում  Ռուսաստանի արտակարգ և լիազոր դեսպան Իվան Վոլինկինին: Կողմերը քննարկել են միջազգային և տարածաշրջանային անվտանգությանը, հայ-ռուսական երկկողմ հարաբերություներին` այդ թվում նաև ռազմական համագործակցությանն առնչվող հարցեր:

• Հոկտեմբերի 16-ին Հունաստանում ՀՀ դեսպան Գագիկ Ղալաչյանը հանդիպել է Հունաստանի ազգային պաշտպանության նախարար Դիմիտրիս Ավրամոպուլոսի հետ: Հանդիպմանը մասնակցել է նաև Հունաստանում ՀՀ դեսպանության ռազմական կցորդ, գնդապետ Սամվել Ռամազյանը: Քննարկվել են Հունաստանի նախագահի Հայաստան այցի արդյունքները:

• Հոկտեմբերի 17-ին Լիտվայում ՀՀ դեսպան Արա Այվազյանը հանդիպել է Լիտվայի ազգային պաշտպանության նախարար Յուոզաս Օլեկասին: ննարկվել են Հայաստանի և Լիտվայի միջև հարաբերությունները, պաշտպանության նախարարությունների միջև առկա գործակցության ակտիվացումը: Կարևորվել է նաև միջգերատեսչական շարունակական համագործակցության խորացումը, փոխայցելությունների իրականացումը:

• Հոկտեմբերի 24-ին Մարտակերտի շրջանի Տոնաշեն գյուղում բացվել է ազատամարտիկ,  ռազմական գործիչ Շահեն Մեղրյանի հուշարձանը: Արցախի պաշտպանության կազմակերպման գործում ունեցած բացառիկ ծառայությունների, ցուցաբերած քաջության ու անձնական արիության համար Շահեն Մեղրյանը հետմահու արժանացրել է «Արցախի հերոս» բարձրագույն կոչմանը: Նրա  որդուն  փոխանցել  է«Ոսկե արծիվ» շքանշանը:

Ռազմաշաբաթը նաև`

Ադրբեջանում

Թուրքիայում

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *