Լյուքսեմբուրգը ավարտում է իր առաքելությունը Աֆղանստանում «Անվտանգության աջակցության միջազգային ուժեր» (ISAF) կազմում: Այդ մասին հոկտեմբերի 15-ին հայտարարել է Աֆղանստանում Լյուքսեմբուրգի ստորաբաժանման հրամանատար Ռոլանդ Թեյզենը, հաղոդում է լյուքսեմբուրգյան Luxembouger Wort լրատվական կայքը։
«Անվտանգության աջակցության միջազգային ուժերում» (ISAF) Լյուքսեմբուրգի ստորաբաժանման հրամանատար Ռոլանդ Թեյզեն
Սակայն ավելի վաղ՝ 2012թ. մայիսին, Լյուքսեմբուրգի ներքին գործերի նախարար Ժան-Մարի Հալսդորֆը հայտարարել էր, որ իրենք 2015թ-ից սկսած ամեն տարի 5մլն ԱՄՆ դոլարով 10մլն ամերիկյան դոլար են հատկացնելու Աֆղանստանի անվտանգության ուժերին։
Նշենք, որ Լյուքսեմբուրգը ներգրավվեց ISAF-ի առաքելությանը 2003թ-ից։ Կորեական պատերազմից հետո առաջին անգամ Լյուքսեմբուրգը մասնակցեց նմանատիպ առաքելության Եվրոպայի սահմաններից դուրս։
Ինը զինծառայողներ Բելգիայի զորախմբի կազմում մասնակցում էին Քաբուլի օդանավակայանի պաշտպանությանը։ Վերջին երկու տարիների ընթացքում, Մեծ Դքսությունը մասնակցել է Կանդահարի միջազգային օդանավակայանի անվտանգության ապահովմանը։ Այն տեղակայված է Աֆղանստանի մեծությամբ 2-րդ քաղաք Կանդահարից 16կմ հեռավորության վրա, համարվում է երկրի ամենամեծ օդանավակայաններից մեկը և միաժամանակ կարող է տեղավորել 200-ից ավել ռազմական ինքնաթիռ։
ՆԱՏՕ-ի անդամ երկների մեծ մասը մինչև 2014թ-ի վերջ իր զորքերը դուրս է բերելու Աֆղանստանից։ Սակայն Միացյալ թագավորությունը հայտարարել է, որ իր զորքերը դուրս է բերելու 2015թ-ին։ ԱՄՆ-ն իր հերքին հայտարարել է, որ մինչև 2014թ-ի վերջ ավարտում է մարտական գործողությունները Աֆղանստանում, սակայն զորքերի վերջնական դուրս բերումը կավարտի 2016թ-ին։
Ավելի վաղ՝ 2014թ. հոկտեմբերին, Լյուքսեմբուրգը ավարտեց նաև իր խաղաղապահ առաքելությունը Կոնգոյի Դեմոկրատական Հանրապետությունում, որին մասնակցում էր 2005թ-ի մայիսից։
Լյուքսեմբուրգը շարունակում է մասնակցել խաղաղապահ առաքելությունների Կոսովոյում, Կենտրոնաֆրիկյան Հանրապետությունում, Լիբանանում և Մալիում։