Ք. Իվանյանի անվան ռազմական վարժարանի 39 սաներից 35-ը կշարունակի ռազմական ուսումը

ԼՂՀ ՊԲ մամլո ծառայությունը հայտնում է, որ մայիսի 25-ին ԼՂՀ պաշտպանության նախարարության Քրիստափոր Իվանյանի անվան ռազմա-մարզական վարժարանում հնչեց Վերջին զանգը: Հանդիսավոր արարողությանը ներկա էին ՊԲ հրամկազմը` ԼՂՀ ՊՆ, ՊԲ հրամանատար գեներալ-լեյտենանտ Մովսես Հակոբյանի ղեկավարությամբ: Շնորհավորելով վարժարանի սաներին` պաշտպանության նախարարն ընդգծել է զինվորականի մասնագիտության կարևորությունը մեր երկրի համար և  համոզմունք  հայտնել, որ վարժարանում ուսանած տարիներին ձեռք բերված գիտելիքներն այսուհետ կօգնեն սաներին իրենց նպաստը բերելու մեր բանակի զարգացման և պետության բարգավաճման գործում: Հարկ է ընդգծել նաև, որ վարժարանի այս տարվա 39 շրջանավարտներից 35-ն արդեն իրենց ցանկությունն են հայտնել հետագա ուսումը շարունակել տարբեր ռազմական բարձրագույն ուսումնական հաստատություններում:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *