Թուրքիայի պաշտպանության նախարար Իսմեթ Յըլմազը սեպտեմբերի 24-ին պաշտոնական այցով մեկնել է Բիշքեք, որտեղ հանդիպում է ունեցել Ղրղզստանի պաշտպանության նախարար Աբիբիլա Կուդայբերդիևի հետ։
Այս մասին տեղեկացնում է թուրքական «Անադոլու» լրատվական գործակալությունը։
Թուրքիայի և Ղրղզստանի պաշտպանության նախարարների հանդիպումից հետո վերջիններս զրուցել են լրագրողների հետ։ Ղրղզստանի պաշտպանական գերատեսչության ղեկավարը նշել է, որ մինչ օրս թուրքական կողմը ղրղզական բանակին 12 մլն ամերիկյան դոլարի օգնություն է տրամադրել, որը ներառել է ավտոմեքենաներ, պարեն և հանդերձանք։
Կողմերը հույս են հայտնել, որ առաջիկայում ավելի են խորացնելու Թուրքիայի և Ղրղզստանի միջև ռազմական ոլորտում համագործակցությունը։
Ղրղզական աղբյուրների փոխանցմամբ՝ կողմերը մի քանի փաստաթղթեր են ստորագրելու, որոնց թվում է նաև ռազմաբժշկական, ֆինանսական և այլ տիպի աջակցության վերաբերյալ համաձայնագրեր։
Սպասվում է, որ 2014 թվականին Թուրքիան Ղրղզստանի բանակին 1 մլն դոլարի չափով աջակցություն է ցուցաբերելու, իսկ Ղրղզստանի զինուժի զինծառայողները կկարողանան անվճար բուժում ստանալ թուրքական ռազմաբժշկական հաստատություններում։ Միևնույն ժամանակ, ղրղզ կուրսանտները կկարողանան սովորել Թուրքիայի ԶՈւ ցամաքային զորքերի կրթական կառույցներում։
Pingback: Ռազմաշաբաթ. Թուրքիա. սեպտեմբերի 21-27 | Ռազմ.info